دلتاوى

منتدى دلتاوى
 
الرئيسيةالرئيسية  دخولدخول  التسجيلالتسجيل  

شاطر | 
 

 اخر البنات المحترمات

اذهب الى الأسفل 
انتقل الى الصفحة : الصفحة السابقة  1, 2, 3, 4
كاتب الموضوعرسالة
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   السبت 7 نوفمبر - 19:07

ازيك يا جميل
من الحق بتوع مسلسل سبعه وربع بيسلمو عاليك
هههههههههههههههههههههه
انا رديت اهو عاوزة الحلقات تنزل عاليا
زى المطره
هههههههههه
تسلم يا جميل
تحياتى
...@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الإثنين 8 مارس - 15:35



نكمل يلا بسرعة لانى زهقان كل ده وانا مستنيكم وانتوا مش بتدخلوا وغايبين عننا يا خراشى ههههه يا خراشى ههههه


( الحلقة التاسعة والعشرين )


عاد احمد ومنى يتحدثان بعد هذا الامر, وقد عزم احمد ان ينهي المباراة بجون , كما وعد كريم ,والا يلجأ لاسلوب المماطلة الذي التزم به في باديء الامر, وعاد كله قوة وحماس .
ضاعف عدد مرات التحدث اليها في اليوم, وضاعف مخزون كلمات الشوق المذابة في الحديث او في الرسائل, حتى تعتاد منى عليه, ولم يعبأ عن اختلاق الاعذار للاتصال في كل وقت وكل مكان, حتى ان منى لازمت غرفتها اغلب وقت اجازة نصف العام, لانها كانت تقريبا تحادثة طوال اليوم, وقد اقسم ان ينهي مماطلتها هذه في اسرع وقت وباقوى طريقة ممكنة.
ومع بدء العام الدراسي الجديد , بدأ احمد تنفيذ خطته الجديدة.
**************************
"في احدي المكالمات"
منى: مالك يا احمد, مزاجك وحش ليه.
احمد: وحش ازاي؟.
منى: يعني بقالي ساعة بهذر وانت دمك تقيل ,مالك؟.
احمد: يعني مش عارفة مالي؟.
منى:لا , هو انا لازم اعرف؟.
احمد: لحد امتي يا منى هتفضلي مش عارفة.
منى: احمد, انت بتتكلم كده ليه؟, انا مش فاهمة حاجة.
*منى :ايه الغباوة بتاعتك دي
*احمد : خدي في وشك بقي
احمد: انتى من امتى عارفة اني بحبك يا منى ؟ , وعملتي ايه في الموضوع دا؟ .....مفيش , بتفكري فيا ؟....مفيش, خدتى خطوة؟.....مفيش, الي انتي عملاه انك معلقاني جمبك وبس, وواضح انك مبسوطة كدة, قولتيلي هدي نفسي فرصة, ومبتجبيش سيرة, كل الي بعمله دا مجابش نتيجة , لو مش عايزاني يامنى قوليلي ,بس متعذبنيش جمبك.
*منى : اوباااااااااا
انتي كنتي فاكراه نسي ؟,ردي بقي يا فالحة
منى: انا ...انا مش قصدي اعلقك ولا حاجة , انا.......احمد انا بس مبسوطة زي ما انت بتقول ,انا فعلا ببقي مبسوطة وانا بكلمك ولما بشوفك يا احمد, بس انا مش قادرة اقرر, انا مش عارفة انا حاسة ناحيتك بايه, بس انا مبسوطة ومبنكرش اننا اصحاب.
*احمد : اصحاب دي عند ام تيتي
احمد : ومين قال يامنى اننا اصحاب؟, احنا مش اصحاب, انا بحبك, وانتي عارفة كدة, واقولك حاجة كمان, انا مكنتش بتعامل معاكي من الاول على اننا اصحاب, بصراحة كدة, الاصحاب مبيتعاملوش كده, انتي لو واحدة صاحبتي كنت سألت عليكي مرة في الاسبوع على الاكتر , ولوصاحبتي مكنتش ههتم بيكي كده, احنا مش اصحاب من الاول يا منى واكيد انتي كنتي حاسة.
*منى :.........نععععععععععععم...........,يعني ايه؟, يعني ايه من الاول مش اصحاب؟
يعني زي ماكنت بقولك, وزي ما سارة بتقول , وزي ميرنا ما قالت على مازن , بس انتي الي مكنتيش عايزة تصدقي
لا, انا مكانش قصدي حاجة تانية , انا كنت بتعامل على اساس اصحاب
ههههههه طب اشربي بقي
منى: بس انا كنت فاكرة ان احنا اصحاب؟.
احمد: انتي بتضحكي على نفسك ولا عليا يا منى.
*احمد : اطلعي من دول, وياريت تبطلي استهبال وتمثيل بقي
منى: احمد.............
احمد: انتي بتحبيني ولا لأ؟؟؟.
*منى : أي
منى: آآآآآ.....يا احمد , انا بستريحلك اوي وبحب اتكلم معاك.
احمد: ولما ببعد عنك ,بيبقي وجودي زي قلته؟.
منى: لا اكيد طبعا.
احمد: بوحشك؟.
منى: يعني.
احمد: وهو الحب ايه غير كدة؟.
*احمد : ايه غير كده يا فالحة
منى: يعني ايه؟.
احمد: يعني بتحبيني يا منى , ومش قادرة تعترفي لنفسك حتى.
منى:.............
*منى : يانهار اسود ومنيل
احمد: واضح انك انتي الي مش عايزة تعترفي بكدة.
منى: احمد ,انا عمري مافكرت فيها كدة....
احمد: وانا استنيتك تفكري .
منى: طيب,...........و احنا هنعمل ايه دلوقتى؟.
احمد: انا مش هعمل حاجة , انا الي عليا عملته وزيادة , يامنى انا كنت بستحمل معاملتك ليا كأني مفرقش معاكي في عز مانا بتعذب , وكل دا عشان مضغطش عليكي, بس انا مش قادر , خلاص مش قادر ابقي بحبك وانتي بتعامليني كدة.
منى: قصدك ايه يا احمد؟.
احمد: انا هسيبك تشوفي نفسك , وتعرفي مشاعرك ايه وهبعد خالص لغاية مايبقي عندك رد عليا او حل لمشكلتي.
*احمد : انا هخليكي تيجي من نفسك
متخافش هتيجي
بس ياريت ما تطوليش, لان لو طولتى هنسيبنا من الحدوتة دي بقي ,عشان انا زهقت
منى: يعني ايه؟.
احمد: يعني انا هبعد عنك لحد ماتقرري انتي عايزة ايه بالظبط , او مترديش عليا وساعتها هفهم من نفسي.
منى: احمد.
احمد: معلش يا منى , انا مضطر اقفل.
*منى : لا , متقفلش
منى:...........
احمد: انا مستني ردك , باي باي.
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الإثنين 8 مارس - 15:51

( الحلقة الثلاثين )


*منى : هو انا بحبه بجد؟
انتي بتسأليني انا ؟,اسألي نفسك
انا مش عارفة
بس الراجل عنده حق ,انتي طلعتي عيني انا شخصيا
بس انا مش فاهمة ,يعني ايه ماكانش بيتعامل معايا على اننا اصحاب من الاول؟
يعني انتوا مكنتوش اصحاب من الاول, يعني الي انتي فاكراه عادي دا مش عادي, يعني لما ولد يتصل بيكي الساعة اتنين بالليل يرغي وبس دا مش عادي, ولما يكلمك تلات مرات في اليوم دا مش عادي, ولما يقولك ليكي وحشة او وحشتيني مش عادي, ولما يديكي تقرير يومي عنه , ويبعتلك خمس ست مسدجات في اليوم مش عادي
يعني ايه؟
يعني ان الاوان بقي تاخدي قرار ,عشان تعرفي انتي عايزة ايه؟
بس انا مش عايزة اخد قرار
ليه؟
انا عايزة احمد, بس مش عايزة ارتبط بيه
وايه المشكلة يعني ما كل البنات بترتبط
لا مش كلهم ما سارة وميرنا مش مرتبطين
انتي اصلا مصاحبة اتنين مجانين , واحدة معقدة والتانية مجنونة , واحدة متعقدة من اخواتها البنات , والتانية متعقدة من الي اخواتها الصبيان عملوه في البنات , انتي مالك بقي
انا مش بتاعة ارتباط ,انا بنت محترمة, وبعدين معتز ومؤمن لو عرفوا يقتلوني
وهي أية ( ودى مرتبطة بمعتز اخو منى ) مش بنت محترمة؟
أية ؟؟؟؟؟,لا دي حاجة تانية
وتانية ليه يعني؟, هي مش محترمة؟!!!!, وبتحب اخوكي؟,واخوكي بيحبها, وانتي كمان بتحبيها ومامتك عارفة وعادي, ومحدش يقدر يقول عليها كلمة في البيت عندك
لا ,بس معتز بجد ناوي يخلص ويخطبها
وهو احمد الي ناوي يتجوزك عرفي؟,دا الولد طلع عينه معاكي بقاله 5 شهور , هو فيه حد بيصبر على حد كده, وبعدين دا احمد اكبر من معتز كمان , يعني اكيد بيفكر يخطب اكتر منه
بس انا مش هعمل كدة ابدا, انا عايزة احمد صحيح بس مش ممكن
خلاص , خليكي تضيعيه من ايديكي وانت الي هتخسري في الاخر, والي مش مرتبطتين دول دلوقتى كلهم هيرتبطوا وانتي بس الي هتبقي قاعدة عاملة زي العزول
مش مهم ,بس انا عمري ما هرضى امشي معاه
انتي حرة انا نصحتك وانتي مش عايزة تسمعيلي

*************************
وعدى اليوم ده ، وتانى يوم فى الكلية احمد شاف منى من بعيد ........

*احمد : يلا يا كبير , اتقل وبص الناحية التانية
بس دي جاية مع شيرين, مينفعش امشي
خلاص خليك واقف , بس خليها تشوف الوش التاني
شيرين:هاي ايمو, ايه اخبارك؟.
احمد: تمام .
شيرين: فين الشباب؟.
احمد: عادل ومهدي راحوا يدخلوا شوية عيال م البوابة.
شيرين: مبتبطلوش انتوا تظبطوا ناس من بره.
نظر احمد الي مني بطرف عينه وقال.
احمد: اهو بنقدم السبت يمكن نلاقي الحد.
انقبض قلب منى, هو يقصد ايه؟؟, انه متغير عليها ,حتى لم يلق عليها اي تحية من اي نوع, متجاهلا اياها, موليا شيرين فقط اهتمامه.
شيرين: انا اصلا بدور على شيماء , معاها ورق المحاسبة بتاع محمود وقالي اصوره منها.
احمد: كلميها ع الموبايل.
شيرين: الهانم مش معاها نمرتي ومبتردش على نمر غريبة , ولا الي قاتلة قتيل.
احمد: خدي كلميها من عندي , ولو مردتش يبقي العيب فيكي بقي.
شيرين : هات لما نشوف اخرتها.
انتحت شيرين جانبا بالتليفون تاركة احمد ومنى وحدهما.
*منى : هو هيفضل ساكت ولا ايه
طب اتكلمي انتي
هقوله ايه يعني
*احمد : لما نشوف يا ست منى اخرتها معاكي
ولا تنطق ,خليك تقيل
مانا تقلان اهه
منى: ا....انت؟....شفت سارة؟.
رد بغضب...
احمد: لا.
*منى : ايه الغتاتة دي ؟,ما تضربني على وشي بالمرة
*احمد : انتي لسة شفتى حاجة
منى: هو؟...... كريم , انا كنت عايزاه في حاجة , ......هو ...جه النهاردة.؟؟؟؟؟؟؟؟؟؟؟؟؟؟
احمد: معرفش , مشفتوش.
*منى : لأ بقي دانت قاصد تبقي قليل الذوق
*احمد : وانتي عايزة كريم في ايه ان شاء الله؟
وساد صمت محرج بينهما , لم تستطع منى خرقه للمرة الثالثة حتى لا يحرجها بردوده السخيفة.
عادت شيرين, وهي تقول.
شيرين: متشكرين ياسي ايمو , نردهالك في الافراح.
احمد: ياشيخة روحي ,افراح مين بس انتي تخفي بس.
شيرين: ماشي يا ايمو هروح, بس مش هرجع انا بقولك اهو.
احمد:ههههه تبقي ريحتى برضه , بس ربنا يكون في عونه الغلبان الي هيشيل.
*منى : مانت بتضحك اهه , اومال الوش الخشب الي كنت مديهولي دا ايه؟
انهى احمد الهزار مع شيرين , وسار مبتعدا دون ان يوجه حتى نظرة واحدة لمنى, ومشي مهنئا نفسه على براعته في هذا الامر.
*احمد : انا من هنا ورايح مش هعمل حاجة خالص , انتي الي هتعملي يا موني يا كدا يا اما خلاص نفضلها سيرة بقي, ولما نشوف خاضرة الشريفة هتعمل ايه ؟؟؟؟؟؟؟؟؟؟
*منى : كده يا احمد, اخص عليك ولا حتى مكالمة واحدة في اليوم ولا بتسأل عليا , بقي كدة؟
مانتي الي عاملة فيها مؤدبة , خلى الادب ينفعك
انا مقلتش اني مش عايزاه يتكلم , انا قلت مش هصاحبه , بس يتكلم براحته
وهو يتكلم ليه اصلا , انتو مش اصحاب؟!!! طيب ....هما الاصحاب كده يادوب صباح الخير ياجاري انت في حالك وانا في حالي
لا مش كده, ماهو كان في الاول مهتم , ومكانش عايز حاجة
حرام عليكي دا الراجل بنفسه قالك, انا عمري ما عاملتك على اننا اصحاب
بس انا كنت بتعامل اننا اصحاب
وانا بقولك ان الي هو بيعمله دا هي معاملة الاصحاب , هه عاجباكي ولا لأ
طبعا لأ
شوفي بقي انتي عايزة اية واتصرفي ومتسألنيش تاني


مستنى ردود السادة الكرام علشان نكمل الحلقات اللى بعد كده
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   الثلاثاء 9 مارس - 21:45

يااااااااااااااااااااااه
انت لسه فاكرنا
ياراجل
حمدالله ع السلامه
وتسلم انك لسه فاكرنا والله
مستنين الباقي
تحياتى
...@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الإثنين 15 مارس - 14:57

الله يسلمك يا الروح

وتخيلى والله لسه فاكر
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الإثنين 15 مارس - 15:03

(الحلقة الحادية والثلاثون )






شعرت منى بالايام تمر عليها سنين , تنتظر مكالمة
احمد
على نار لم
تكن تتخيل انها فيها, وبدأت تحس بمزاجها سيء ومسود ,وحاولت اخفاء الامر
عن من حولها و وامتنعت
عن طلب النصيحة لانها في قرارة نفسها تعلم اين الصواب, ولكنه
كان مؤلما ,كيف تتوقع ان
يتعامل معها احمد بهذا الشكل ,بعد ان اعتادت عليه موجودا
بجانبها وقت احتاجته او لم تحتاجه, وان هذه
الطريقة السخيفة ستكون هي الطريقة
الوحيدة للتعامل بينهما, وكيف يطاوعه قلبه على
التوقف عن السؤال عنها بهذا الشكل
السافر.
وكان اكثر ما ألمها
هو رؤيته يوميا في الكلية , وتجاهله اياها بهذا
الشكل, ولكنه قال لها , سابتعد عن طريقك حتى تجدي
حلا, وهي لم تجد حل لا له ولا
لها,وطالت حيرتها , وحزنها لاضطرارها لاخذ قرار
بهذا الشكل , وبدأت في وضع القرارات
الصالحة نصب عينيها استعدادا لاخذ قرار:
1-ان تبتعد عن احمد ,وتقبل بما
يفرضه عليها هذا القرار من انقطاع تام عن مكالماته التليفونية , وتجنب
الحوار معه في الكلية
منعا للاحراج
.
2-
ان تقبل ما
يعرضه عليها من امر, ومايترتب عليه من التزام بالارتباط به, وما يتبع
هذا من امور
الالتزام
العاطفي المتعارف عليه
.
وشعرت بالغضب والسأم لعدم قدرتها على تحمل تبعات ايا من الامرين, فالامر الاول يمنعها
عنه ما شعرت به من وحشة وفراغ بعد
ان انخلع احمد من حياتها مرة واحدة بدون مقدمات.
والامر الثاني يمنعها عنه تربيتها واخلاقها وفطرتها السليمة.
ومع ذلك ,كانت تمنع نفسها يوميا مئات المرات من الاتصال به
,والاستسلام لما يريد
.
***************
*منى : كده يا احمد, الله يسامحك بقالي
يومين عيانة وانت معبرتنيش ولاحتى بماسدج

يمكن مش عارف
لأ عارف, سارة قالتلي ان كريم سأل عليا وهو واقف , وعرف اني عيانة ,دا
حتى
كريم اتصل يسأل
طيب يمكن نسي
دمعت عيناها.
*منى : بقي ينساني وانا مبفكرش الا
فيه

موني يا حبيبتي انتي بتحبيه؟؟
معرفش بقي , يعني هكون زعلانه ليه؟
ولما انتي متضايقة اوي كده , بتكابري ليه؟
لان مينفعش اعمل
حاجة
لأ ينفع , عرفيه وقوليله ماشي ,ومفيهاش حاجة يعني ,كل البنات بتعمل كده
بس انا متعودتش اخون اهلي, واعمل حاجة تغضبهم
مين قال كده, الحب مش عيب ولا حرام , والولد اكيد نيته خير,بس انتي طمنيه من
ناحيتك وهو هياخد خطوة

اكيد
بس انا خايفة اندم بعدين
وايه الي هيندمك؟,والله انتي هتجربي, لو لقيتي انك متضايقة اخلعي على
طول, مفيهاش حاجة يعني

انا متضايقة من دلوقتى
دا بيتهيألك, انتي
بس مستغربة الوضع, وبعدين هيتغير ايه يعني , غير ان احمد هيبقي
معاكي زي زمان وبس
مش عارفة بقي
بصي ياموني ,انتي فكري في كلامي كويس وبعدين قرري
واثناء تفكيرها ,طرق اذنها صوت مألوف لنغمة التليفون الدالة على ان احمد يتصل, فقفز قلبها
فرحا وانتزعت التليفون ,وهدأت نفسها قليلا قبل ان
ترد.
وارتجف صوتها.
منى: الو...
احمد: السلام عليكم.
*منى : انت لسه قافش
منى: عليكم
السلام ورحمة الله وبركاته.
احمد: ازيك يامنى؟, سلامتك.
*منى : انت بتشتمنى ولا بتسأل
عليا؟
منى: الحمد لله.
احمد:انا سمعت انك عيانة اوي, قلت اطمن عليكي.
منى:انا الحمد لله بقيت كويسة , انا كنت تعبانه بقالي يومين.
*منى : خدت بالك انك ولا
عبرتني
رد بتردد ....
احمد: انا اول ماعرفت سألت على طول.
*احمد : هي دي بقي
معاملة الاصحاب
وساد صمت ,
مما اكئب منى بدلا من ان يفرحها.
احمد: هيييه , طيب كويس انك بخير , لو احتجتى اي حاجة
كلميني
.
منى:شكرا يا
احمد.
احمد:باي يا منى.
منى: باي يا
احمد.
********************
*منى : لااااااااا كدا مش ممكن ابدا , انتي مجنونة؟, هو دا الي انتي عايزاة
.............................
بطلي عياط وردي عليا, انتي عايزة احمد يفضل يتعامل معاكي كده ولا لأ؟
انا معملتوش حاجة لكل دا ,هو بيضغط عليا كده ليه؟
هو الراجل معملش حاجة غير انه قالك قرري ,قرري بقي قرفتيني
انا ماليش
دعوة ,انا عايزة احمد
قوليله مستنيا ايه
مينفعش اقوله
مين قالك كده؟ , اقولك بلاش
تكلميه ابعتيله ماسدج

ابعتله اقوله ايه
قومي انتي بس جيبي الموبايل ونمخمخ سوا
*******************
*احمد : البت دي
جابت اخرها خلاص, كده كفاية اوي ولا انت شايف ايه
والله انا مستخسرها في الطناش,دي كانت كاتيجوري تاني خاص, بس
هنعمل ايه انت

مبتصبرش
مابصبرش مين ياعم ,دانا عملت معاها كل حاجة عملتها في
البنات, ودي عاملة

زي الطوبة مابتحسش
ياحبيبي التقل صنعة, بقي بت مفعوصة زي دي تتقل عليك وانت مش عارف
تتقل عليها يومين

لا يا سيدي ,انا راجل دمي حامي ماليش في التقل
طيب هتعمل ايه يا حامي
والله قدامها يومين ,متعدلتش فيهم خلاص,فضها سيرة
واثناء انفراد احمد بشيطانه قطع حبل افكاره صوت رسالة على التليفون.
(خلاص يا احمد انا موافقة, زي مانت
عايز, انا ردي على كلامك الي فات "اه
")
.
*منى : ايه الي انا عملته ده
ياربي بس


الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   الثلاثاء 16 مارس - 20:49

تمام اوى كدى
الله يبركلك الرد بسرعه
الحقنا بالحلقه اللي بعديها سريعااااااااااااا
هههههه
تسلم
تحياتى
...@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الخميس 18 مارس - 15:55

(الحلقة الثانية والثلاثين )









*احمد
: كفاءة ومعلم وباشا بجد بجد مش عارف اقولك ايه

لا تقول ولا تعيد, انت بس سيبلي نفسك وانا هظبطك
انا خلاص, وصلت
وصلت ودخلت وعديت وشربت الشاي كمان
انا مش عارف اشكرك ازاي
متعمليش حاجة انا ,روح بس انت كلم ست منى بتاعتك
والف مبروك

ماشي ياكبير
***************
منى: آ..ألو.
احمد: ايوة يا منى.
منى:
...............
*منى : ياتري ايه الي هتقوله؟
احمد:انا على فكرة مبسوط اوي.
منى:
................
*منى : على فكرة انا متضايقة
اوي

احمد: انا عارف انك عملتي مجهود كبير عشان توصلي لحل, بس انا
مبسوط ان النتيجة جت في صالحي, وصدقيني مش
هتندمي ابدا .
منى: هي ....هي الماسدج وصلت؟.
احمد:
ايوة وصلت ,وانا مقدر يامنى انك مش عايزة تعملي حاجة غلط,بس
صدقيني مفيش حاجة

هتتغير عن الي كان , وعمري ما هخليكي تعملي حاجة غصب عنك,
وانا بجد بجد يا مني بحبك
اوي.
منى:............ماشي.
احمد: انا مش طالب منك غير انك تطمنيني بس, انتي يامنى بتحبيني؟ .
منى:.............
*منى : وبعدين بقي ,انت مش خدت الي انت عايزه, عايز ايه تاني؟
احمد: منى , ابوس ايدك ردي عليا متتعبنيش الله يخليكي, بتحبيني.
منى: اه.
*منى : لأ
*احمد : يا واد يا جاااااامد
احمد: اه ايه؟.
*منى : لأ دا انت غلس بقي
مني:اااه.
احمد: منا مش هقفل الا لما تقوليلي.
*احمد : انتي صدقتي اني
مش هغصبك على حاجة ولا ايه؟

احمد: قوليلي يا منى انك بتحبيني عشان اعرف انام.
منى: لأ مش هقول.
احمد: انتي بتتقلي عليا عشان عارفة اني بموت فيكي, بس انا مش هقفل الا
لما تقوليلي بحبك, والله بجد نفسي اسمعها
منك.
*منى : يوووووووووووووه بقي
مني:...................
احمد: هه, يلا, يلا يامنى بجد هموت وانام .
منى: تصبح على خير يا احمد ,يلا روح نام.
احمد: مش هسيبك, هنام على التليفون , قولي بقي.
منى: هووووووف,..........
بحبك ارتحت
.
احمد: طبعا ,هو فيه حد ميرتحش واحلى منى في
الدنيا بتقوله بحبك
.
منى: يلا اتفضل روح نام.
*منى : نام ،،، نامت عليك حيطة
احمد: دلوقتى اقدر انام , تصبحي على خير يا حبي.
منى: باي.
واغلقت السماعة بسرعة, وبينما نام احمد قرير العين, لم يغمض لمنى جفن
حتى الصباح , وشعرت بهم يثقل صدرها
.
حين قالت له بحبك ,
شعرت بقبضة في قلبها , المتها حتى الان, ما الذي حدث, شعرت بأنه
اجبرها على هذا دون
ارادة منها,
وانه لو كان صبر عليها كانت قالتها من نفسها, والاعظم من هذا ،، الشعور
الغبي بالندم الذي قض
مخدعها والمها طوال الليل, لازمها حتى الصباح وهو شعورها بأنها
بنت اول طوبة في السور
الذي يفصلها عن اهلها واصدقائها وذلك لشعورها بالعجز عن
اخبار احد بما فعلته,وبالخجل مما اقترفت.
اما احمد, فقد اطربت كلمة بحبك اذنيه وشعر كالمنتصر, بعد ان كاد يفقد الامل في منى,
والذي اثار دهشته انه شعر بسعادة
حقيقية حين اعترفت له منى بهذا , وشعر بمشاعره
تتحرك قليلا في صالحها , الا انه نهر
نفسه عن التفكير في هذه المشاعر الخفية, وركز
افكاره كلها على براعته في التكتيك

,
وكيف انه صبر ونال




ونكمل ونعرف ايه اللى حصل بعد كده بس اكيد بعد ردودكم الجميلة
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   الخميس 18 مارس - 22:13

انا رديت
فين بقي
ههههههههه
جميل الكلام
مستنين البقيه
تحياتى
...@
الرجوع الى أعلى الصفحة اذهب الى الأسفل
محمد شومان
دلتاوي جديد
دلتاوي جديد
avatar


عَطآئي : 3
الجنس : ذكر

مُساهمةموضوع: رد: اخر البنات المحترمات   الخميس 13 أكتوبر - 4:09

ربنا يهدى...قصه جميله
الرجوع الى أعلى الصفحة اذهب الى الأسفل
محمد شومان
دلتاوي جديد
دلتاوي جديد
avatar


عَطآئي : 3
الجنس : ذكر

مُساهمةموضوع: رد: اخر البنات المحترمات   الخميس 13 أكتوبر - 4:10

ربنا يهدى...قصه جميله
الرجوع الى أعلى الصفحة اذهب الى الأسفل
 
اخر البنات المحترمات
الرجوع الى أعلى الصفحة 
صفحة 4 من اصل 4انتقل الى الصفحة : الصفحة السابقة  1, 2, 3, 4

صلاحيات هذا المنتدى:لاتستطيع الرد على المواضيع في هذا المنتدى
دلتاوى :: المنتديــــات العــــامـــة :: المنتدى العـــام-
انتقل الى: