دلتاوى

منتدى دلتاوى
 
الرئيسيةالرئيسية  دخولدخول  التسجيلالتسجيل  

شاطر | 
 

 اخر البنات المحترمات

اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   السبت 26 سبتمبر - 9:36

الروح كتب:
ايه ياعمونا الحلقه الجامده دى
تسلم ايدك يا كبير
بجد والله جميله القصه دى
يلا كملنا بقي وكفياك تشويق
يلا كفايه رغي بقي
هههههههههههه
تحياتى
...@

ولسه الجديد احلى والله وميرسى على مرورك يا روح
وعلى كلامك بلاش رغى وندخل على الحلقة العاشرة بسرعة
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   السبت 26 سبتمبر - 9:42

( الحلقة العاشرة )


منى: هو فين البيت بقي , يوووووووووووه.
وقفت مني وكانت هاتعيط ,لثالث مرة تدور في نفس الشارع رايحة جاية, واحمد قالها ان هو ده العنوان, وهي متأكدة ان هو ده المكان اللى شرحه لها, برج الرحمة , امام محل ملابس اطفال اسمه كوكو بارك, ها هو المحل يحتل ناصية كاملة تطل على شارعين,فين برج الرحمة ده؟ , سألت الناس وموصلتش لحاجة, وقفت محتارة تعمل ايه؟.

*منى :ياربي بقي , اعمل ايه دلوقتى؟,معادش الا عشر دقايق ,اتصل باحمد اسأله؟؟
لااااا, اهو كلو الا دا ,احمد ايه ؟ انتي اتجننتي؟
ايه هو الي لأ؟, امال هتعملي ايه يعني
لا مش هتصل بيه ابدا, انا اخري معاه انه اتصل اداني العنوان في السريع وقفل , خلاص انتهينا
اه واديكي تايهة اهه, خلاص بقي خليكي واقفة مكانك , وتعالي يوم التلات برضه اقفي مكانك
يباااااااي , طيب هتصل بيه , بس هي المرة دي بس
******************

*احمد :اخييييرا , دانا بقالي نص ساعة مستني تتصلي , كل دا بتقاوحي نفسك
احمد: السلام عليكم.
*احمد :يا واد ياجامد
منى : عليكم السلام , احمد بقولك ايه انا مش عارفة البيت فين؟
*احمد :طب منا عارف
احمد: بيت ايه؟
*منى :دا وقت غباوة انت كمان
منى : البيت الي فيه الدرس.
احمد: اهههه, انتي فين دلوقتى ؟.
منى: عند كوكو بارك.
احمد :هتلاقيه قدام المحل.
*احمد :دوري من هنا لبكرة
منى : قدامه ناصيتين ادخل من انهي شارع؟
احمد: ناصيتين؟؟ لا انا مش فاهم حاجه
*احمد: هههههههههههههههههه
منى : منا مش عارفة ومفيش وقت.
احمد: طب بقولك ايه , انا قريب من المكان ,خليكي في مكانك , عشر دقايق وهكون عندك.
منى: لأ , انت بس قولي ادخل منين.
احمد: ماهو انا الي فهمته من الي شرحلي المكان قولتهولك , بس انت استني, انا جاي , باي
*احمد: استنيني بقي
منى: آ...آآآآ... انت يازفت , قفلت؟, الله يحرقك.
*منى :هعمل ايه انا دلوقتي ,انا كان ايه الي خلاني اتصل
ياستي اسكتي بقي , الحق عليه انه جاي يلحقك , اظبطي انتي شكلك المبهدل دا واعدلي نفسك كده
***************
وصل احمد متمخترا , وكان هينفجر من الضحك وهو شايف منى واقفة زى التلميذ المضروب "علقة", وباين عليها انها مش فاهمة اى حاجة من اللى خططه, وصل في الثامنة وعشر دقائق.
أ* هههههههههههههههههههههههههههههه
"مش قادر يتكلم من كتر ما بيضحك في دماغه"

**************
وقفت منى عمالة تبص يمين وشمال, وعنيها مافرقتش الساعة اللي كانت بتتحرك ببطء بالنسبة انها مستنية احمد, وبسرعة بالنسبة لميعاد الدرس.
*منى : اهه وصل , يادي الكسوف, لما نشوف هيحلها ازاي الفالح

احمد: معلش اتأخرت عليكي.
*احمد: انا قاصد الطعك
منى: لا مفيش حاجه , عادي.
*منى: دانا كنت هتشل بقالي ربع ساعة
احمد: ادي ياستي كوكو بارك , ايه الي موقفك هنا بقي؟ ,البرج بعد ما تعدي العربيات , على الرصيف التاني.
*احمد : ,قدام عنيكي يا عميا
منى: رصيف تاني؟؟!! , انت مش قلت انه تاني شارع اول عمارة, قدام كوكو بارك؟؟.
* منى :نعم ياخويا؟؟؟
احمد:على الناصية , قدام كوكو بارك , يعني تعدي العربيات.
*احمد : وكنت عارف انك غبية وهتفهميها على كيفك , زي منا عايز برضه
منى وهي هاتنفجر من الغضب
منى: منا مكنتش عارفة ان قدام كوكو زفت فيه شارع رئيسي وشارع جانبي, طبعا مجاش في بالي اني اعدي الناحية التانية.
*منى :انا اصلا مفهمتش منك حاجة ساعة ما شرحتلي
احمد: معلش انا اسف مفهمتكيش كويس.
*احمد :وانتي شربتيها ,هتروحي مني فين؟
بص احمد في ساعته متظاهرا الانزعاج
احمد: احنا اتأخرنا جامد ,دي الساعة بقت 8 وربع.
*احمد : قدامي يا فالحة
منى: طيب بسرعة بقي.
*منى: انا همشي معاه في الشارع لوحدنا ازاي دا , يا ارض انشقي وابلعيني
************
مشت منى بجانب احمد وبينهم مسافة كبيرة وكأنهم لا يسيران سويا, بينما سار احمد لا يتكلم وكأنه لا يعنيه ان كانت تسير بجانبه او في شارع تاني ,وكان يحاول اظهار نفسه بمظهرالمؤدب.
وصلا للمكان في اقل من دقيقتين .
احمد: اهه البرج .
قرأت منى على مدخل البرج
منى: برج الرحمة, اخيرا.
التفتت منى اليه,وزفرت قائلة
منى: انا مش عارفة اشكرك ازاي .......؟؟, شكرا بجد.
*منى : مع انك لففتني السبع لفات بس شكرا
احمد: تشكريني على ايه يا منى ؟ انتي عبيطة؟
*احمد : انتي لسه شفتي حاجة
وقبل ان ترد عليه استعدادا للصعود , سمعا اصوات لشباب يخرجون من المصعد , فالتفتا ينظران ناحية مصدر الصوت ,حتى وصل اصحاب الصوت اليهم
احمد: حسان .
صاح احمد وسلم على الشاب الاول , ثم على الفتاتين الاتيتين معه, بينما وصل مجموعة اخرى من الشباب ينزلون على السلم, وسلم معظمهم على احمد بينما منى تكاد تنكمش من الاحراج, لقد تعرفت علي معظمهم , وكيف لا وهم جميعا سنة اولى , اي زملائها بالكلية.
*منى : يانهار ابيض, انا ايه الي بيحصلي ده , وقال انا الي خايفة حد يشوفني معاه في الشارع, يقومو يشوفوني في مدخل العمارة الي فيها الدرس بتاعي كأنه صاحبي وبيوصلني, يادي الفضيحة
احمد: انتو كنتو عند وائل صح؟
حسان: اه , مجموعة تمانية , بس هو خلص في السريع ,انتي كنتي طالعة يا مني ولا المجموعة الجاية؟
كان باين عليها انها مش قادرة تتكلم اصلا وكانها فى دوامة, حتى ان احمد رد بدلا منها
احمد: لا كانت طالعة المجموعة دي, هو نزلكو بسرعة ليه؟
*احمد : هي هيجيلها سكتة قلبية اصلا ,هههههههههههههههههههه
حسان: دا بس كان بيتعرف علينا وكده وبيظبط الدنيا وهنبدأ المرة الجاية.
*تحمد : طب منا كنت عارف انه بيعمل كده
التفت حسان الي منى قائلا
حسان: متخافيش يامنى مفاتكيش حاجة, بس تعالي المرة الجاية بدري
همست الفتاتين الاتيتين مع حسان فقال
حسان: ماشي يا ايمو , سلام انا عشان اوصل الجماعة , اشوفك في الكلية.
ثم ضرب على كتفه وهو يغادر مسرعا قائلا وهو يبتسم
حسان: متبقاش تأخرها المرة الجاية , سلام.
وقع قوله على منى كالصاعقة التي افقدتها النطق.
*منى :هي مين دي الي ما يأخرهاش ؟ّّّّّ!!! , يا نهار اسود ومهبب
*احمد :ههههههههههههههههههههههههههههههههههههههه
التفتت احمد الي منى بعد رحيل الجميع وهو يجاهد للسيطرة على ابتسامة تقاوم شفتيه, محاولا ابداء الاسي على وجهه
احمد: انا اسف يا منى بجد, فاتتك الحصة دي.
*احمد :المرة الجاية مش هأخرك , ههههههههههههه
منى كالمصدومة
منى: انا عايزة اروح.
*منى :روح يا شيخ الله يسامحك
احمد: حاضر ,تعالي اركبك تاكسي
*احمد : انا قلتلك مش هتيجي بمزاجك هجيبك غصبن عنك
منى: لا شكرا , انا هعرف اركب تاكسي.
*منى : ابعد عني الله يسترك, كفايه كده
احمد : طيب براحتك,انا همشي , سلام.
*احمد :براحتك يا مزة , بس انتي خلاااااص, كل الناس عرفت انك تبعي , كفاية عليكي كده النهاردة لحسن تموتي مني
منى:.........
*منى :انا ايه ياربي الي بيحصلي ده
التفتت منى واختفت من امامه بسرعة وكأن شبحا يطاردها بينما توقف هو يراقبها معجبا بنفسه, وكيف ان الامر كله حدث كما خطط له تماما.
*احمد :خلاص ياموني , هانت , اصل هتعملي ايه والحكاية لابساكي لابساكي؟, مسيرك هتسلمي, والزن على الودان امر من السحر , منا هجيبك هجيبك يامدوخاني
منى :*................................................ ...........
" عاجزة عن التفكير تماما من الصدمة "
********************


ولحد هنا واللى عاوز يعرف ايه اللى حصل بعد كده يرد بسرعة
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   السبت 26 سبتمبر - 22:24

ادينى رديت بسرعه
فين الباقي بقي
وربنا يستر علي البنوته من الواد اللي ربنا يسمحه دا هو واللي بيعمل زيه
حسبي الله ونعم الوكيل
تحياتى
...@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الأحد 27 سبتمبر - 10:06

ميرسى على مرورك يا قمر ومنورة الموضوع والله
وبسرعة نكمل الحلقة اللى بعد كده ، ونشوف ايمو هايعمل ايه مع منى...........
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الأحد 27 سبتمبر - 10:12

( الحلقة الحادية عشر )


بعد حادثة الدرس , اصبحت منى في وضع لا تحسد عليه, على الرغم من ان الوضع كله كان عاديا, وانها كان يكفي ان تنكر او لا تتحدث في الموضوع فينسى وحده, الا ان شعورها الداخلي بالذنب كاد يقتلها, فتضاعف لديها الاحساس بان الدنيا كلها علمت ما بها , فكان كلما سألها احد عن احمد او مر اسمه على اذنيها تعصبت وتغير مزاجها واستشاطت غضبا, وما كان كل ما تفعله الا تأكيدا بالنسبة للناس لما يقال عنهما.
اما احمد , فكان كالذي اصاب هدف بعد طول انتظار, صحيح انه لم يكن هدفا بالمعنى المعروف الا انه كان اول طرقة على لوح الثلج , واول تنفيذ عملي لخطته لايقاع منى, فقرر اكمال جولته وذلك بتجاهل منى طالما كانت وسط اصدقائها والتقرب منها كلما اختلت بنفسها , وان صدته فقد يبدو من بعيد انه تخوفا منها ان يراهما احد سويا.
**************
سارة :هتفضلي لحد امتى مبوزة, ماخلاص الي حصل حصل وعدا عليه اسبوع كمان.
منى: انا مش مبوزة , وبعدين انا مش متضايقة عشان كده.
سارة: طب ممكن افهم انتي بقيتي رخمة ليه؟ ,مش ترحمينا بقي.
منى: انا مش رخمة ولا حاجة ,اديني بضحك اهه, هيهيهيهي.
سارة: تصدقي استرخمتك اكتر, ..........بقولك ايه , ايمو جاي , اثبتي بقي ومتجريش , انتي واقفة معايا , خليكي راجل.
منى: لا ياسارة ربنا يخليكي , سيبيني امشي, انا مش هقدر اقف معاكوا.
سارة: يا منى كده مش هينفع حلي مشكلتك بانك تواجهيها.
منى: معلش ياسارة , اكيد هواجهها بس مش دلوقتى , انا همشي وابقي اكلمك لما اروح ,سلام.
**************
*احمد : الساعة 11 الا ربع ...., مش دلوقتي استني شوية كمان , خليها تبقي لوحدها ......,هانت يا منى , انتي على اخرك
,اهي بقت 11 اتصل بقي
*************
*منى : استغفر الله العظيم, ودا بيتصل ليه دا بقى دلوقتى؟
ردي
نعم؟ لا طبعا
انتي خايفة من ايه ؟ مش سارة قالتلك واجهي مشكلتك اهي المشكلة جاتلك لحد عندك عشان تواجهيها , وبعدين انتي لوحدك مفيش حد شايفك, ردي واخلصي من الموضوع دا كله بقي
يعني ارد؟؟؟,.....اووووف, طيب
منى: السلام عليكم.
احمد: وعليكم السلام , ازيك يامنى؟
*احمد : بالراحه علينا شوية يا ست منى
منى: الحمد لله....................؟؟؟؟
*منى : خلص بقي عشان انا مش طايقاك
*احمد :شكلها هتشتمني..., اما ادخل في الصميم على طول ,عشان ابان اني واضح وصريح
احمد: بصراحة يامنى انا فكرت كتير قبل ما اتصل , وكنت تقريبا مش هتصل , بس كان لازم اقولك.
منى:.....................
*منى : ياتري ايه الموضوع؟؟؟
احمد: انا بصراحة حاسس انك بتتهربي منى , وتقريبا انا عارف ليه, بس لو دا كان بسبب كلمة حسان, فانا حبيت اقولك انا اسف لاني احرجتك من غير ما اقصد , وانا مستعد اعمل اي حاجة عشان اعتذر , انا لاحظت اني لما باجي جمبك بتهربي منى كأني عفريت.., لو يريحك اني مقربلكيش خالص في الكلية ,انا مستعد, انا بس محبتش يبقي الي بينا ينتهي كده , احنا برضه "اصحاب" قبل كل حاجة, وانا يهمني مصلحتك وراحتك.
*احمد :انتي لومتثبتيش بعد الكلمتين دول ابقي انا حمار و تبقي انت بت حديد
*منى :هو انا كنت قليلة الزوق معاه للدرجة دي؟؟؟,انا شكلي مزعلاه اوي
منى: بصراحة يا احمد, انا كنت اتضايقت شويه بس هو مفيش حاجة ,وانا فهمت اصحابي ان مفيش حاجة , وهو اصلا مفيش حاجة, مش كدة؟
*منى : ايه الي انتي بتقوليه دا؟
*احمد : بالله عليكي انتي مصدقة نفسك اصلا
احمد: طبعا مفيش حاجة, بس انا كنت خايف ان الي حصل يأثر على صحوبيتنا ,وكنت خايف تتجاهليني , بس الحمد لله انك فاهمة الموضوع صح , انا عن نفسي استريحت لما كلمتك , يارب مكنش تقيل عليكي.
*احمد : معلم وهتفضل طول عمرك معلم , قفل انت بقي خليها هي اللي تبقي ميته عليك
منى: لا ابدا والله , لا تقيل ولا حاجة, انا برضة استريحت انك فتحت الموضوع.
*منى : ايوة كده واجهي مشكلتك زي ما سارة قالت
احمد: طيب , مع السلامة بقي , عايزة حاجة؟
*احمد : عايزة مقفلش طبعا
*منى : ايه دا تقفل ايه , انت متضايق منى للدرجة دي , ماشي , ملحوقة
ايه يا مني اتلمي , انت عايزة تكلميه ليه؟
منى: لا شكرا, مع السلامة.
واغلق الخط دون كلمة اخرى.
****************
*احمد :البت دي انا مش فاهملها ناصحة ولا مؤدبة ولا صايعة ولا ايه بالظبط, تفتكر انها مؤدبة بجد ؟ ,يا عم هو لسه فيه بنات مؤدبة اصلا, بس دي لو طلعت مؤدبة تبقى لقطة يا واد يا ايمو, ومستعجل على ايه بكرة نعرف, بس لو طلعتي مؤدبة , محدش هياخدك غيري
*منى :كويس انه اتصل , انا دلوقتى استريحت , مادام هو مش مكبر الموضوع , انا هكبره ليه , وبعدين دلوقتى نقدر نرجع "اصحاب" تاني , ومفيش مشكلة اني اكلمه في الكلية , عادي , زيه زي اي حد, انا كنت بعامله ايه زيادة يعني؟ , باخده بالحضن؟
" هي في دنيا وهو في دنيا تانية خالص"


اللى عاوز يعرف احمد عمل ايه بعد كده مع منى يرد بسرعة ,,,,,,,,,,,,,,,
الرجوع الى أعلى الصفحة اذهب الى الأسفل
nour_elgana
طاقم الاشراف
طاقم الاشراف
avatar


عَطآئي : 455
عمـري : 29
الجنس : انثى

مُساهمةموضوع: رد: اخر البنات المحترمات   الأحد 27 سبتمبر - 19:43

اهو انا رديت بسرعه اهو علشان تكمل
مستنينك بسرعه بقى
تسلم ايدك :ب:
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الأحد 27 سبتمبر - 22:28

ميرسى يا قمر على مرورك

وفى تميز مستمر

ونكمل اللى بعد كده
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الأحد 27 سبتمبر - 22:41

( الحلقة الثانية عشر )



وقف احمد مراقبا منى من بعيد, لم يرها هكذا من قبل , متفتحة كالوردة وسعيدة , تتحرك بين الفتيات في سرور, لطالما رآها مكتئبة او خجولة ولكن لم يكن يشغل باله بملاحظة انفعالاتها حين لا يكون هو محيطا بها , ولم يسبق له ان رآها مشرقة هكذا, انتفض احمد, لقد ارتعب مما يحدث له .
*احمد : جرى ايه ياسي ايمو انت بتعمل ايه؟ , لا, احنا ملناش في الدور دا , احنا بتوع خفيف خفيف , اه , بلا حلوة بلا لذيذة , طلعها من دماغك , لو هتشغلك اوي للدرجة دي يبقي نخلع من اولها
لا , تشغل مين ياعم عيب عليك دانا ايمو برضه , هي بس غريبة شوية
لا يا حبيبي ماغريب الا الشيطان , انت بيخش عليك الكلام دا, كلهم زي بعض ولا انت نسيت
مانستش ولا حاجة , بس دي مش زى البنات الي عرفتهم ولا حتى زي صافي
بقولك ايه ,كان كفايه عليك صافي اوي , ونتعلم بقي ونتلم ونعرف ان طنطا زي فرنسا , كلهم عجينة واحدة
بس دي .... مش عارف ....بص كده..... شكلها .... يعني حاجة تانية
بلا تانية بلا تالتة , انت هتضيع نفسك عشان بنت , فوق كده ياسي ايمو وخش عليها واثق من نفسك
عندك حق بلا كلام فاضي
ايوه كده, قال شكلها قال
**************
اقترب احمد من موقع منى وصديقاتها , وهو يفكر , هل ستصده بعد كل ما قدم من اعتذارات؟ .
التفتت منى فاذا باحمد بجانبها فأشرق وجهها بابتسامة , وقد عهدها مرتبكة دائما , الا انها بدت اليوم اكثر هدوئا وثقة.
منى: ازيك يا احمد؟.
*احمد :مبحبش حد يقولي احمد, قوليلي ايمو زي الناس متعمليش فيها اننا مرتبطين
احمد: الحمد لله , ازيك انتي؟.
منى: تمام.
وعاد الجميع للحديث , فدخل احمد مع منى في حديث جانبي .
احمد: اخبار الكورس ايه؟ الواد وائل بيفهم ولا....؟.
منى: اه , الحمد لله , احنا لسه في الاول بس ربنا يستر ونلحق نلم المادة قبل امتحان الترم.
احمد: لو عايزة بجد حد يذاكرلك, البت شيرين ممكن تقسملك المادة وتساعدك فيها.
منى: وعلى ايه , احنا متابعين كويس مع استاذ وائل.
وبينما يتحدثان ,اقترب منهما شاب بس مش شاب اوى ده كان عامل زى لوسى فى فيلم اشاعة حب ، وكان بيدلع في طريقة كلامه.
ميمي: هاي منى , ازيك؟ , هاي يا ايمو.
منى: ازيك يا ميمي؟.
*منى :ودا وقته
*احمد :ازيك ياخويا , ودا يطلع ايه دا
احمد:.................
قال لمنى بطريقة كلامه الدلوعة البسكوتة دى.ههههههههههههههههه
ميمي:منى ,انتي ندلة.
منى: ليه كده؟
ميمي: انتي مش قولتي هتحولي معانا مجموعتنا , وطنشتي خالص, اخص عليكي بجد.
*منى : انت ايه الي بتهببه دا,الله يخرب بيتك هي ناقصة مياصتك
ارادت منى ان تجيب الا ان سبق احمد بالرد في لهجة تحمل شيء من العدائية .
احمد: على فكرة مينفعش انك تحول مجموعة عند وائل , مبيرضاش.
*احمد : شيل نفسك وغور من قدامي,بدل ما اقلع الجزمة واعدلك بيها
منى : معلش يا ميمي , المرة الجاية مش هحجز الا معاكوا.
*احمد: يا سلام انتي كمان
منى تحاول ان تغير الموضوع.
منى: انت عيان ولا حاجة , شكلك نايم ع الاخر.
*منى : ولا انت طريقة كلامك بقت مايعة زيادة
قال بدلع .
ميمي: اه , خالص, انا من التوهان الصبح لبست تي شيرت اخويا الصغير حمادة.
*احمد :تي شيرت اخوك الصغير ولا كومبليزون مامي
منى: ياحرام .
*احمد : ياحرام ايه انتي كمان .
نادت على ميمي فتاة , فاشار لها برأسه ,ثم التفت اليهما.
ميمي : انا همشي بقي يا مونى , باي يا ايمو.
منى: باي.
*احمد :امشي يلا يابن ال.................., مونى دي تبقى خالتك
********************
*احمد: مالك ياايمو , انت قالقني على فكرة , متفكرش كتير بقي وارحمني
لا , انا مش بفكر ان فيه حاجة لا سمح الله, انا بس خايف لا البنت تضيع منى ,الصبيان كترت حواليها , ولو شاورت عقلها هتلاقي انها حلوة وظريفة وان فيه ناس كتير احسن منى
اوعى تقول كده, هو فيه احسن منك؟؟, دانت ايمو الي مصمص السمكة, حتة بت مفعوصة زي دي هتخوفك؟,ولا انت ميمي خوفك؟
ميمي مين دا ابو لبانة , دانا كنت هاكله, الواد كان ناقص يحط ايده في ايدها وهو واقف , ميمي ايه وبتاع ايه
لا انت تجمد كدة وتوريني الايام الجاية هتجيبها ازاي , متشغلش بالك بحاجات تانية
منا خلاص اخري كدة , عمري ماطولت مع بنت بالشكل دا, الا صافي طبعا, وبعدين انا خايف على نفسي زي ما بتقول, انا بقول اسيبني منها , وبعدين لو شيرين او حد من الشباب عرف هيستنقصني , كلهم بيحترموها اوي , ومش اصول اعط مع قريبة حد منهم
سيبك منها ازاي , انت عبيط؟ , انت تكمل زي مانت , وتسكت متجبش سيرة لحد, وبعدين ادخل عليها دخلة صح اليومين الجايين , وبس , انشا الله تثبت لنفسك انك لسه زي زمان , وبعدين تفك
يعني انت شايف كده
طبعا, انت عمرك ما طلعت من حدوتة خسران , اوعى تخسر المرة دي
عندك حق, انا هكمل والي يحصل يحصل


[
color=red]يلا يا جماعة مستنى الردود علشان نكمل
والله اللى جاى احلى بكتير
[/color]
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   الإثنين 28 سبتمبر - 0:35

سالخير يا خويا
انبي الائيش عندك الحلقه اللي بعديها
يلا والنبي يا خويا اصلي مستعجله شويه
الراجل مستنى في البيت الحلقه اللي بعديها
هههههههههههههههههههههههه
تسلم يا ملاك
يلا مستنين الجديد
تحياتى
...@
الرجوع الى أعلى الصفحة اذهب الى الأسفل
Frozen LovE
دلتاوى مميز
دلتاوى مميز
avatar


عَطآئي : 137
الجنس : انثى

مُساهمةموضوع: رد: اخر البنات المحترمات   الإثنين 28 سبتمبر - 1:45

مشكور ياملاك على الحاجة التحفة دى يلة احنا قعد ين على نار عوزين الحلقة بسرعة
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الإثنين 28 سبتمبر - 11:23

الروح كتب:
سالخير يا خويا
انبي الائيش عندك الحلقه اللي بعديها
يلا والنبي يا خويا اصلي مستعجله شويه
الراجل مستنى في البيت الحلقه اللي بعديها
هههههههههههههههههههههههه
تسلم يا ملاك
يلا مستنين الجديد
تحياتى
...@

سانور عليكى يا اختى
كان على عينى والنبى يا اختى ، بس الراجل بتاعى قالى متديش حلقاتك لحد
ولا اقولك اسيبه منه خدنا ايه من الرجالة غير حرقة الدم
وبندا الحلقة اللى بعد كده
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الإثنين 28 سبتمبر - 11:40

Frozen LovE كتب:
مشكور ياملاك على الحاجة التحفة دى يلة احنا قعد ين على نار عوزين الحلقة بسرعة

ميرسى على مرروك يا قمر ومنورة الموضوع والله
ونكمل الحقة اللى بعد كده
ودمتى متميزة
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الإثنين 28 سبتمبر - 12:28

( الحلقة الثالثة عشر )



توقفت منى عن لوم نفسها كلما رأت احمد , او عن التردد في الرد عليه في التليفون, فقد كان يتصل بها لاسباب عجيبة, فمرة يريد رقم شيرين الذي فقده, ومرة يسألها عن موعد عيد ميلاد سارة, ومرة يسأل عنها هي, وكأنها اعتادت مكالمته, وقد اطمأن عقلها تماما ان هذا شيء عادي , وان ملاقاته في الكلية صارت مهمة شبه يومية , فكانت تلاقيه بابتسامة او كلمة او سلام , ولم تعد تهرب وترتبك مثل الاول , وقد تخدر قلبها تماما مقتنعا بان الامر مجرد عادة, وان كانت تقر في باطن نفسها بانها اخيرا وجدت من يسأل عنها ويهتم بها ولو قليلا.
اما احمد فقد كانت خطته تسير على اتم مايرام , فهو لم يعد يلاقي صدودا من منى, الا انه تجنب في هذه المرحلة التحدث تماما عن اي مواضيع شخصية , حتى لا ترتاب فيه, بل صار لا يتصل بها الا بسبب معين , وقد لايطيل بالمكالمة , الا انه كان كل هدفه جعلها تعتاد على وجوده في حياتها, ويحاول قدر الامكان يبدو بمظهر الرجل المشغول بمصلحتها, "وكأنها أخته" , وقد تعمد تكرار بعض الكلمات ك"عيب يا منى دا انتي اختى" ,او"احنا اصحاب يابنتي فيه ايه" وكان ذلك كلما اراد ان يقدم لها خدمة , ومع العلم ان الشباب لا يقدمون خدمات لاخواتهم.
ذات يوم رأي مؤمن أخو منى الكبير رقم هاتف احمد على تليفونها فسألها ,وقد اعتاد ان يقلب في هاتفها
مؤمن: مين ايمو دي؟
ارتبكت منى قليلا, ثم قالت
منى: دي ايمان واحدة معايا في الكلية.
ثم اخذت موبايلها من يده ودخلت غرفتها واغلقت عليها.
*منى : ايه الي انتي عملتيه دا؟, كذبتي ليه؟, مكانش فيه داعي تكذبي
وتقوليله ليه؟ , وهو يسألك ليه اصلا؟, هو كل شوية تفتيش؟ , انتي المفروض يكون ليكي خصوصيتك, انتي بنت ودي حرية شخصية
بس انا عمري مكذبت عليه , ومكانش له لازم اصلا اكذب , مفيش حاجة
انتي بتستهبلي , عايزة تقوليله دا صاحبي الاكبر منى , ولما يفتح اللوج ويلاقيه هاريكي مكالمات
بس عادي منا كل مايسألني على نمرة ولد على موبايلي بقوله
دا لما يكون قدك , او اصحابك من المدرسة , بس مش احمد
طب ولما يشك؟,ولا يسأل شيرين؟, اعمل ايه انا ساعتها بقي؟
ماهو اللي هيخليه يشك غباوتك دي, وانتي ايه الي يخليكي تقولي لحد؟, مفيش حاجة عشان تحكي, انتي عايزة تشككيهم فيكي ع الفاضي, انتي بتدوري ع المشاكل وخلاص؟,ولا تقولي لحد خالص , لا شيرين ولا سارة ولا مخلوق يعرف , انتي كبرتي , ومن حقك تحتفظي باسرارك لنفسك, خليكي كده مصحصحة, محدش هيخاف عليكي الا انتي
يعني , مقولش لحد خالص؟؟؟
خاااالص ,خالللللص
********************
احمد: الو منى؟ ايه الاخبار.
منى : الحمد لله .
احمد: صوتك عامل كده ليه؟,مالك؟, انتي عيانة؟؟.
منى : اه , من امبارح وانا عندي برد,اخنفيت صح؟؟.
*منى :حد يقول لولد اخنفيت؟؟ مش تمسكي لسانك؟
احمد: لا دا انتي شكلك تعبانه خالص ,بتاخدي دوا؟.
منى: اه معتز جابلي دوا وهو راجع من صلاة الجمعة .
*احمد :هو النهاردة الجمعة ؟, ودا مين معتز دا كمان؟
احمد: معتز ؟ , دا اخوكي الكبير؟.
منى: لا , مؤمن الكبير , معتز اكبرمنى بتلات سنين.
احمد: دا الي في صيدلة المنيا؟.
منى: اه .
*احمد :اكيد اصغر منى
احمد: هو نازل كام يوم؟.
منى: هيقعدله اسبوع عشان العيد الكبير ويرجع تاني.
عطست منى اثناء الحديث ثلاث مرات ورا بعض, ولما اعادت السماعة على اذنها سمعت احمد ميت من الضحك فقالت.
منى: انت بتتريأ عليا؟؟.
احمد: لا , يرحمكم الله , بس حاسبي تعديني, انا هقفل عشان شكلك كدة مش قادرة تتكلمي .
*منى :ليه كده , خليك تسليني شوية , دانا زهقانه من الصبح مقمتش من على السرير
منى: ايه ده ,خايف تتعدي؟.
احمد: لا , انتي اي حاجة منك حلوة , حتى العيا , بس انتي شكلك تعبانة بجد .
منى: ماشي ياسيدي, روح قبل ما اعطس تاني.
احمد: سلامتك يا قمر ياريتني كنت انا.
*منى:...............
منى: باي باي.
احمد: باي يا جميل.
بعد ان اغلق احمد التليفون قرر الارتقاء بخطته للمرحلة الثالثة , فانتظر حوالي نصف ساعة ثم ارسل لها رسالة على التليفون
"سلامتك يا موني , لو اقدر كنت اكون انا مكانك كنت اخدت منك العيا , شدي حيلك , عشان نرجع نشوفك تاني"
تلقت منى الرسالة قبل نومها, فابتسمت وشعرت بالسعادة وغالبها النعاس , ونامت تحلم باحمد.
اما احمد , فشعر باقتراب نجاح خطته ,وان صبره لم يكن بلا جدوي , وقريبا جدا ستقع منى في يده , وساعتها يرتاح


ونكمل فى الحلقة اللى جاية وده طبعا بعد الردود
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   الإثنين 28 سبتمبر - 22:17

اممممممممممممم
ادينا ردينا
وبسرعه بقي يا عمونا
عشان عاوزين الحلقات تنزل ورا بعضها سخنه كدا
يلالالالالالالالالالالا
تحياتى
...@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الثلاثاء 29 سبتمبر - 17:53

ميرسى ليكى يا روح على مرورك
دمتى متميزة
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الثلاثاء 29 سبتمبر - 17:58

( الحلقة الرابعة عشر )


صبر احمد , وكان لصبره هدف, بعد هذه الرسالة كان يجب ان يتركها قليلا تتفاعل, وبعد ان عودها على مكالمته كل يوم , بدأ يشغل نفسه باشياء اخرى , حتى يمتنع عن الاتصال بها, وكأن دوره انتهى كمهاجم, وبدأ برمي الكرة بملعبها هى, سينتظر الايام المتبقية حتى العيد , ولن يتكلم ثانية , ليرى ماذا ستفعل هي.
اما منى فمر عليها اليوم بسنة, سنة كاملة بشهورها واسابيعها , انتظرت في كل ثانية اتصال احمد , لاي سبب ولكل سبب, انه لم يتصل منذ مرضها, وها هي تعافت , ولم يتصل ليطمئن عليها!!, الم يقل انه على استعداد لاخذ المرض بدلا عنها, ما الذي حدث؟, لماذا يتجاهلها بهذا الشكل, ومالذي يقصده بهذا الصد؟ , وبسبب مرضها لم تذهب للجامعة, و لم يعد هناك سبب للذهاب فالجميع شبه ممتنع بسبب الايام السابقة للعيد وصيام العشر الاوائل من ذي الحجة, والوقفة اجازة رسمية,وكأن لا يوجد شيء اخر لمنى لتفكر به, صار سكوتها قلق, وكلامها تساؤل, حتى انها منعت نفسها مئات المرات من التحدث عنه امام شيرين او سارة او ميرنا او اي حد, وان كانت تمنت ان يذكره احد حتى ترتاح, اين انت يا احمد؟
*******************
*منى : وبعدين يا احمد ؟ , بقالنا كتير قوي متكلمناش , تلات تيام بحالهم
مش تطلبي تسألي عليه انتي, افرضي كان حصل حاجة
لا , لو كان حصل كنت عرفت , انا بكلم البنات كل يوم ومحدش بيجيب سيرة, ومينفعش اطلبه انا ، لا عيب
هو ايه دا الي عيب؟,هو انا بقولك اطلبيه قوليله بحبك, انا قلت اطلبي اسألي عليه , عادي يعني انتو اصحاب , مانتي اتصلتي بخالد الاسبوع الي فات لما رجله اتكسرت
طيب دا ورجله اتكسرت, وبعدين احمد وضع تاني, مينفعش اتعامل معاه بعفوية, لحسن يفهمنى غلط
مين دا الي يفهمك غلط؟, على فكرة انتي مش في دماغه اصلا, مش عشان بيكلمك كل يوم يبقي خلاص واقع فيكي, دا هو الي طبعه كده بيسأل على الناس, وبعدين انتي تطولى اصلا انه يبصلك, دا انتي عبيطه وخيبة, ما البنات حواليه كتير, طلعى من دماغك المواضيع الخايبة دي, وفكري عادي كده, متبقيش قديمة اوي كدة
******************
*احمد : ياتري يا موني عاملة ايه؟, انا في دماغك ولا نسيتي , بقالك تلات ايام , كفايه كدة ولا لسه؟, ياتري ايه الي في دماغك دلوقتى ؟, ابعت الرسالة دلوقتى ولا استنى؟
متبعتش حاجة استني تطلبك هى
وافرض مااتصلتش؟, انا عايز اخلص
قلة صبرك دي الي هتضيعها منك ,يا راجل اتقل
اتقل على ايه؟, دي البنت خام جدا, دا كان كفاية يوم واحد
ولما هى خام وكفاية يوم , ما تصلتش ليه؟, دانت الي خام
طيب ايه رأيك بقي ان البنت دي اصيع منك انت شخصيا, لانها مثبتاك انت جمب التليفون بدل منتا اللى تثبتها
تصدق عندك حق, طب والله ما معبرها الا يوم الوقفة
ايوه كده خليك راجل , قال خام قال
*****************
انتظر احمد وهو يقاوم نفسه, حتى اليوم الموعود , وانتظر حتى منتصف اليوم ثم ارسل رسالة
" كل عيد وانتي طيبة يا اغلى حاجة في حياتي ويارب تكوني بخير"

*****************
تسمرت منى امام الرسالة طويلا, محاولة الوصول الى فهم منطقى للرسالة, وقد اقشعر بدنها كله من صراحة الكلمات, والتعبير البادي فيهم , وظلت تقرأها مرارا وتكرارا, ماهذا؟؟.
*منى : دا ايه دا بقى؟؟؟, انا مش فاهمة حاجة, الواد دا بيشتغلني ولا ايه
ويشتغلك ليه ما الكلام واضح اهه قدامك
واضح منين؟, انا مش فاهمة حاجة
ايوه , خليكي غبية كدة لحد ماتضيعي منك الواد
اضيعه منى ازاي, انا اصلا معملتش حاجة, ليكون بعت الرسالة دي غلط ؟, والمفروض تروح لحد تاني؟
ممكن , وممكن تكون جايالك انتي, شوفي هتعملي ايه عشان تتأكدي
وانا مالي , مش هعمل حاجة
لا طبعا هتتصلي بيه النهاردة باليل عادي جدا , قال ايه بتقوليله كل سنة وهو طيب و تعملي مستهبلة ,لو الرسالة مش ليكي هيقولك انا اسف, ولو ليكي هيسألك رأيك فيها
لا طبعا, عمري ما هتصل بيه , ليه ؟, هو انا مجنونة
طيب خلاص خليكي كده هتموتي وتعرفي الحقيقة
*****************
*احمد : لما نشوف ياسي ايمو انت لسه معلم ولا بقيت خيخة ,مستنيكي يا موني ولو للعيد الكبير الجاي


ودينى كتبت الحلقة بسرعة اهو انا كمان
يلا يا جماعة مستنى الردود علشان نكمل الحلقات اللى بعد كده
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   الثلاثاء 29 سبتمبر - 18:05

وادينى رديت اسرع اهو انا كومان
فين الحلقه بقي
هههههههه
يلا يا عم العيد الكبير هيجى
بسرعه
تحياتى
....@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الثلاثاء 29 سبتمبر - 18:10

الروح كتب:
وادينى رديت اسرع اهو انا كومان
فين الحلقه بقي
هههههههه
يلا يا عم العيد الكبير هيجى
بسرعه
تحياتى
....@
بسم الله ما شاء الله
ايه السرعة دى
طيب علشان خاطر السرعة دى نكتب حلقة كمان
شكرا على مرورك يا قمر
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الثلاثاء 29 سبتمبر - 18:25

( الحلقة الخامشة عشر )



منى: الو؟
*منى : ايه دا الي بتعمليه دا؟ اقفلي بسرعة
ششششششششششش
احمد: الو , منى؟
*احمد :جووووووون , وجون وجون وجون
منى: ازيك يا احمد؟
*احمد : ومقبولة منك احمد كمان يا ستى
احمد: الحمد لله, على فكرة كنت هكلمك من شوية , ليكي وحشة والله.
القى اليها احمد الكلمة ذائبة وسط الحديث حتى لا تستطيع التعليق عليها وان ارادت.
*منى : ااااه, وبعدين بقي, متخليك واضح
منى: كل سنة وانت طيب.
احمد: وانتي طيبة يا موني, انا بعتلك SMS النهاردة باين ، صح؟
*منى :انت كمان مش فاكر؟
*احمد :هههههههههههههههههههه
منى: اه
*منى : ايوه , اتكلم في الموضوع بقي
*احمد :خليكي على نار
احمد: انتي عارفة ان دي اول مرة تتصلي بيا من ساعة معرفتك.
منى: يلا اهو عيد بقى , وزكاة العيد, ههههههه.
احمد:...........
منى: انت ساكت ليه؟.
احمد: كنت بسمع ضحكتك.
ارتبكت منى وتمنت لو لم تتصل , ومعرفتش تجاوبه بايه.
منى:................
احمد:انا ضايقتك؟
*احمد :طبعا مش طايجة خلجاتك م الفرحة هههههههههههه
منى: لا ابدا عادي.
*منى : عادي ايه بس انتي كمان
احمد: انتي بقيتي احسن دلوقتى؟؟,اصل اخر مرة كلمتك كان عندك سرس.
منى: منا خفيت , خدت حقنة ياباني.
احمد : طيب الحمد لله, رايحة فين في العيد؟
منى: مش رايحة , كنا هنسافر السنة دي بس بابا مش فاضي, فهنقضيه هنا.
احمد: انا مسافر مع جماعة اصحابي , هنهيص شوية , ماتيجي معانا.
منى: اه حاضر , هلبس هدومي ونازله اهه.
احمد: طيب انا مستنيكي تحت البيت, اوعى تتأخري.
منى: مسافة الاسانسير.
*منى : المكالمة قلبت استظراف ليه؟ , انت مبتتكلمش عن الرسالة ليه؟
*احمد : طبعا هتموتي وتسألي عن الرسالة ,بس بعينك
احمد: ههههههههههههههه, والله انا اتبسطت اوي انك كلمتيني.
*منى :طب ما تتكاش اوي على كلمتيني دى
*احمد :لما نشوف هتعمليها تاني ولا ايه؟
منى: دا اقل حاجة ممكن اعملها لعامة الشعب.
احمد: لا انا بتكلم بجد, وكل سنة وانتي طيبة , بجد.
منى: بجد بجد يعني, طيب انا مش طيبة.
احمد: لا انا عارف انك طيبة.
*احمد :طيبة وعبيطة كمان
احمد: طيب يا ستي ربنا يديكي على قد نيتك , بس ابقي كرريها .
منى : اه , ان شاء الله.
*منى : في المشمش
احمد : ماشي يا موني , عايزة حاجة؟
*منى : ياما نفسي تبطل موني دي, هو انا بقولك ايمو؟
منى: لا ,شكرا, مع السلامة.
احمد: باي باي.
*******************
*احمد : قشطة كده اوي ياواد يايمو خليك تقلان وهي الي هتعمل كل حاجة , من النهاردة انت حتبطل تشتغل , وتسكت خالص, سيب المواضيع تمشي براحتها
بس مش حرام؟ دي البنت لذيذة والله , وانا فعلا اتبسطت لما كلمتني
لا مش حرام , ولما هي عجباك عايز تفضل معجب بيها من بعيد لبعيد, لا, لو هى زي ما بتقول صحيح, هتسيبها لغيرك يعمل بيها ايه, ثبتها برضه وخليها تحبك
عندك حق , انا البنت دي بجد داخلة دماغى وربنا يسترالمرة دي
المهم دلوقتى, ركز انت على خطتك وسيبك بقي, تحبها متحبهاش دي حاجة تانية , بعد ما تكون خلصت تثبيت
منا خلصت التثبيت من زمان , هى دلوقتى يا اما هتحبني , يا اما هتحبني
احبك وانت مصمم
*******************
*منى : وايه يعني لما تحسي انك متعلقة بيه مالك مكبرة الموضوع اوي كده ؟, هو انتي اول ولا اخر واحدة
انا مش مكبرة حاجة, الموضوع كبير لوحده , يعني ايه اتعلق بيه , انا مش قده
ومش قده ليه ان شاء الله , صغيرة؟؟, منتى عدى عليكي ناس برضو و حاولو يكلموكي , اشمعنى دا الي وقفتى قدامه وتنحتى
ماهو عشان كده انا خايفه , انا خايفة لا احبه
طب ماتحبيه , هو عيب ولا حرام , مادام مش هتعملى حاجة غلط
هى المشكلة دلوقتى في غلط ولا صح؟, المشكلة اني متعلقة بيه, وهو مش واضح , دا واحد مرة يقولي كلمة حلوة وعشرة لأ
وهو انتي مدياه فرصة , دانتي بتردي عليه بالقطارة
لااااا , الموضوع دا ميتسكتش عليه, انا محتاجة حد يفكر معايا, انا مش قادرة اكتم اكتر من كده
لا لا لا , اوعى , داري على شمعتك تقيد وبعدين انا بفكر معاكي
لا , انا هكلم سارة , انا محتاجة حد ينصحنى


منتظر ردودكم بسرعة علشان نكمل الحلقات اللى بعد كده
دمتم متميزين يا احلى منتدى واحلى اعضاء
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   الثلاثاء 29 سبتمبر - 18:35

سلماااااااات علي الناس العسلات
اللي بتجيب حلقات قشطات
تمام اوى كدا
بقلك يا ملاك
متدينى رقم البنوته دى عشان افكر معاها
بدل مهى لوحدها كدا ياحرام
واهو بالمره نعيد سوا
ههههههههههههه
تسلم يا جميل
دايما متميز
تحياتى
...@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الثلاثاء 29 سبتمبر - 18:48

الروح كتب:
سلماااااااات علي الناس العسلات
اللي بتجيب حلقات قشطات
تمام اوى كدا
بقلك يا ملاك
متدينى رقم البنوته دى عشان افكر معاها
بدل مهى لوحدها كدا ياحرام
واهو بالمره نعيد سوا
ههههههههههههه
تسلم يا جميل
دايما متميز
تحياتى
...@

والله انتى اللى ناس عسلات يا روح
وبجد بجد ميرسى كتير على اهتمامك بالموضوع
وفى تميز وتقدم مستمر ان شاء الله
وفى الحلقة دى شوفى الاصحاب بتعمل ايه ونكمل ونقول .............
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   الثلاثاء 29 سبتمبر - 18:52

اده
هو كمان في حلقه زياده
يادى الهنا اللي انت فيه ياقلبي
ههههههههههههههه
والله كدا بقي تبقي راجل تمام اوى بجد
تسلم
تحياتى
...@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الثلاثاء 29 سبتمبر - 18:59

( الحلقة السادسة عشر )


اتصلت منى بسارة وطلبت الذهاب لبيتها, وبالفعل توجهت اليها ,ووريتها الرسالة وقالتلها على كل مكالمة اتصل فيها , وكل حاجة عملها معاها من اول ماعرفته .
صمتت سارة تستمع بصبر حتى انتهت منى.
سارة: مممم, افهم من كدة ,انه بيرسم عليكي ؟
منى: مش كدة؟ , صح؟,والله انا بقول كده.
سارة :بس من الي فهمته منك ,انا مش قلقانه من احمد, انا قلقانة عليكي انتي.
نظرت منى لسارة وامتلات عيناها بالدموع ,وحاولت الكلام ,ولم تستطع.
سارة: انا زعلانه منك , انك مقلتليش الكلام دا من بدري, مش عارفة كنتى مستنية ترتبطوا عشان تقوليلي, بس انا فرحانة انك لما اخترتي تكلمي حد اخترتيني.
منى: ملقتش حد ينصحنى الا انتي.
سارة : وانا هنصحك , اسمعي يا ستي , انتي بتحبيه؟
منى: لا طبعا , انتي بتقولي ايه , انا بس مشدودة ليه اوي.
سارة : جميل جدا, مادام مفيش حب تبقي ملحوقة, انتي تعملى مستعبطة زي مانتي, وتحاولى تخفى من احمد دا شوية, تقللي الكلام معاه, ومتديلوش اهتمام اكتر من اللازم , تمام.
منى:......................
سارة: قولي تمام.
تمتمت منى.
منى: تمام.
سارة: وانا بقي مش عايزاكي تفكري في الواد دا لحظة, نلحق كدة قبل ما تقعى فيه, تعالي على نفسك , لو فكرتي فيه,قولي اعوذ بالله من الشيطان الرجيم, اشغلى نفسك جدا جدا جدا, لدرجة انك متسبيش فرصة انك تفكري فيه ثانية, ولو جه على بالك قولى انا حمارة انا حمارة لغاية ما تزهقي ,تمام؟.
*منى : ما الي ايده في المية مش زي الي ايده في النار, انا برضه الي حمارة؟
سارة : ماتردي.
منى: تمام تمام , ماشي.
سارة : مالك مبلمة ليه؟
منى: هو مفيش حل تاني غير اني اتجنبه؟.
سارة: اه فى .., انك تحبيه..., تختاري ايه؟
منى: ومالك كده بتقولي تحبيه كأنك مش طايقاه.
سارة :لان تحبيه يعني توافقي تكلميه , وتكلميه يعني توافقي تقابليه , وتقابليه يعني مش هنخلص , وخدي عندك بقي خناقات وتستخبي من اهلك ومتوافقيش على عرسان و.......
منى: ايه ايه , بالراحة عليا ,مالك انا بقولك انا مشدودة له اتفتحتى زي البلدوزر.
سارة: انا بفهمك يا حبيبتي , عشان انتي خام والمصيبة انه باين عليكي انك خام , فالناس بتستعبطتك.
منى: وحضرتك بقي الي مش خام , مش شايفاكي يعني ماشية كل يوم مع ولد.
سارة: مش معنى انك مجربتيش حاجة في دنيتك , تبقي عايشة كده مش فاهمة حاجة .
منى: الله يكرمك.
سارة : وبعدين انا ياما شفت , انتي ناسية ان اخواتي كلهم بنات.
منى: بس انتي كدة اتعقدتي.
سارة: بيتهيألك , انا كده احسن من ناس كتير , يعني انا لو كنت حبيت , كنت بقيت فرحانه كدة دلوقتى, انا كان زماني انا الي بشكيلك , وبعدين مفيش حاجة اسمها حب,الحاجات الي بتحصل دلوقتى دي مش حب.
منى: يا سلام يا ختى؟
*منى :انا جيت لمجنونة تنصحنى
منى: بس مسيرك تحبي.
سارة: مش شرط.
منى: امال هتتجوزي ازاي يا فالحة؟.
سارة:وهو جواز الصالونات اتعمل لايه يا فالحة انتي؟.
منى: من غير حب؟؟؟.
سارة: الحب دا لواحدة مراهقة زييك , انا ايه الي يخليني احب واحد وفي الاخر متجوزوش؟,وبعدين الحب بييجي بعد الجواز,انا ايه الي يخليني اجيب واحد لاهو ابويا ولا اخويا يقولي انتي رايحة وجاية منين,لا والبسي دا ومتلبسيش دا, ومتتأخريش عن الساعة كذا.
منى: لااااااا , دانتي متعقدة بجد.
سارة : سيبك منى انا , خلينا في خيبتك.
منى: خيبتي انا برضة دانا جيتلك يا عبد المعين تعيني لقيتك ..............
سارة: والله انا نصحتك , انا مشفتش حد حب وطال والي كنت بقول عليها عاقلة جاية تقع لي في مصيبة , مش تنقي؟
منى: على فكرة احمد ظريف جدا وخدوم , وولد محترم اوي بس انتي تعرفيه.
سارة: كفاية انتي تعرفيه,وبعدين اول ما تشوفي ولد تسألي نفسك سؤالين .
منى: ايه؟
سارة: بيدخن؟؟.
*منى :اوباااا
منى:........
سارة :بيصلي؟؟.
منى: .......
*منى :تصدقي معرفش؟؟؟
سارة:بعد كدة تشوفي ظريف ولا لذيذ ولا دمه تقيل.
منى: طيب ياستي انا هسمع كلامك وامري لله , خلينا ورا سارة لحد ما تودينا في داهية.
سارة : الداهية الي انتي رايحالها اسمها ايمو.


ويلا يا جماعة مستنى الردود علشان نكمل الحلقات اللى بعد كده
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 30
الجنس : ذكر

مُساهمةموضوع: رد: اخر البنات المحترمات   الثلاثاء 29 سبتمبر - 19:02

ممكن طلب صغير يا روح
ممكن تصغرى الصورة الشخصية اللى انتى حاطاها دى لانها واخدة الصفحة كلها عندى
مش عارف دى من الويندوز عندى ولا من ايه
عموما انا هاجرب متصفح تانى
دمتى متميزة
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 29
الجنس : انثى

مُساهمةموضوع: رد: اخر البنات المحترمات   الثلاثاء 29 سبتمبر - 19:25

اوووووووووك
حاااااضر
وميرسي علي الحلقات الزيزه دى
والبت ساره دى اقتلوها
ال مفيش حب ال
مشي البت دى من القصه
هههههههه
تسلم
تحياتى
...@
الرجوع الى أعلى الصفحة اذهب الى الأسفل
 
اخر البنات المحترمات
الرجوع الى أعلى الصفحة 
صفحة 2 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
دلتاوى :: المنتديــــات العــــامـــة :: المنتدى العـــام-
انتقل الى: