دلتاوى

منتدى دلتاوى
 
الرئيسيةالرئيسية  دخولدخول  التسجيلالتسجيل  

شاطر | 
 

 اخر البنات المحترمات

اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: اخر البنات المحترمات   الأربعاء 9 سبتمبر - 4:06

بسم الله الرحمن الرحيم
دى عبارة عن قصة مكونةمن عدة حلقات وعلشان مش اطول عليكم نبدأ الأحداث

المكان : كلية تجارة بأي جامعة في اي مكان في مصر
الوقت :اول يوم في الدراسة
الشخصيات:
احمد امام : "سقيط كبير" شاب في الثالثة والعشرين ولازال في السنة الثالثة بالكلية.
مني ممدوح : فتاة في الثامنة عشرمدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة.
كريم : صديق احمد بالسنة الرابعة وهو طبعا اصغر من احمد.
شيرين : صديقة كريم واحمد ,بالسنة الثالثة , قريبة لمني من بعيد.
سارة: صديقة منى من الكلية فتاة محبوبة ومؤدبة.

************************************************** **

(الحلقه الأولي)

حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية
احمد وهو يلتفت بجسده وعينيه خلف فتاة تسير امامه نافخا دخان سيجارته
احمد: الدفعة الجديدة شكلها جامد مووووت.
كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة دى ولا زي كل سنة.
احمد: ايه السيرة الغم دي , النهاردة اول يوم , خليك خفيف كده عشان احبك.
كريم: يييييييه اهي شيرين وصلت هخلع انا بقي عشان دي جايه كمان ومعاها واحدة صاحبتها.
كاد احمد ان "يخلع" مع كريم ولكنه رأي ان الفتاة التي مع شيرين من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة.

*********************
مني: انا خايفة يا شيري اني ميبقاليش اصحاب في الكلية.
شيرين: اهي دي بقي اخر حاجة ممكن تقلقك في مكان زي ده , دا احنا هنا بنقول هانودي الاصحاب فين .
مني: لا ياستي بقولك ايه انا ماليش في الشلة دى , انا مبحبش قعدة البنات مع الصبيان , انا اخواتي قالولي......
شيرين: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان ليكي اصحاب صبيان في المدرسة.
مني: ايوة , بس كلهم اصحابنا وجيراننا من زمان ومفيش منهم خوف لانهم كانوا مصاحبين صاحباتي, وبعدين انا مكنتش برضه معاهم اوي انا مبحبش الجو ده.
شيرين بصوت خافت: انا قلت برضه انتي هتتعبيني.
ثم بصوت عالي : ايه ده كريم وايمو (وده كان دلع احمد ) اهم .......هااااااي.
مني تصيح وهي تحاول اللحاق بشيرين التي توجهت نحو الشابين : انتي رايحة فين؟ مش كنا هنجيب الجدول بتاعي؟.
*******************
اقتربت الفتاتان من احمد لان كريم كان قد غادر , عدل احمد من ملابسه كما يفعل كلما قابل وجه جديد
ضربت شيرين بكفها علي كف احمد وهي تقول:
شيرين : ايمووو انت فين ياراجل .
رد عليها برتابة: في الدنيا هكون فين يعني ؟
شيرين :ايه الغلاسة دي وبعدين كريم ماله كده جري زي الي عليه فلوس لحد .
احمد: اصله افتكر واحد صاحبه كان مستنيه .
شيرين : اه.
احمد بتسبيل : مش تعرفينا .
شيرين : لا مش هعرفك ,مش سكتك خالص على فكرة .
شعرت مني بالحرج من الكلام الذي يدور وحاولت ان ترد بأي شيء فصمتت
اخرجت شيرين تليفونها المحمول وطلبت رقماً:
شيرين: ايوه يا واطي ..... جريت ليه اول ما شفتني ........يا راجل ...
ومدت برجليها بعيدا قليلا عن احمد ومنى
احمد: انتي بقي سنة اولي ؟
احمد في رأسه* اكيد والا كنت شفتك .
منى بخجل :اه
منى في رأسها *يوووه يا شيرين خلصي بقي.
احمد: معاكي الجدول ولا اجيبهولك .
مني وقد ارتبكت : لا ... ماهي شيرين هتيجي معايا... يعني ..هنشوفه .
احمد: طب استني خليكي هنا.
وانطلق كالصاروخ مغادرا اياها ,في نفس الوقت الذي انهت فيه شيرين المكالمة
شيرين:الله؟ فين الواطي التاني؟
منى : معرفش , قالي استني وجري , تعالي نمشي.
شيرين: هو قال راجع ولا قال ايه؟
منى: مقالش حاجة يلا نمشي بقي.
شيرين : لا استني اهه, ماله بيجري كده ليه ؟
وصل احمد لاهثاً ومد يده بورقة الي مني
احمد: اتفضلي يا ستي , جدول سنة اولي.
نزعت شيرين الورقة من يده وهي تجذب يد منى بعيدا
شيرين: متشكرين يا سيدي , بس ريح نفسك , قلتلك مش سكتك .
اعترض طريقهم قبل ان تغادرا
احمد : ايه ايه , رايحين فين ؟
شيرين : انت مش جبت الجدول , يلا باي بقي البنت جديدة وهلففها في الكلية.
تجاوزتاه وهو يتابعهما ببصره قائلا
احمد : اجي معاكو.
شيرين تهتف وهي تجر مني ورائها جراً
شيرين : لا شكراً.
ظل احمد يتابعهما ببصرة وهو يقول في نفسه
*ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات التانية؟؟؟.
مني وهي تكاد تركض خلف شيرين , التي انطلقت وكأن كلب يجري خلفها
*ودا مين دا يعني الي شيرين خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟



الحلقة الثانية ان شاء الله بعد الرد

الرجوع الى أعلى الصفحة اذهب الى الأسفل
nour_elgana
طاقم الاشراف
طاقم الاشراف
avatar


عَطآئي : 455
عمـري : 28
الجنس : انثى

مُساهمةموضوع: رد: اخر البنات المحترمات   الأربعاء 9 سبتمبر - 16:36

حلوه القصه تسلم ايدك
والاحلى انها ساعات بتحصل فى الواقع
منتظرين الباقى :ب:
الرجوع الى أعلى الصفحة اذهب الى الأسفل
rohmak_raby
دلتاوى مميز
دلتاوى مميز
avatar


عَطآئي : 102
الجنس : انثى

مُساهمةموضوع: رد: اخر البنات المحترمات   الأربعاء 9 سبتمبر - 22:16

قصه مشوقه
منتظرين البقيه ان شاء الله
تسلم ايدك ملاك
تقبل مرورى :ب:
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الخميس 10 سبتمبر - 4:12

ميرسى كتير اي جماعة للناس اللى ردت على الموضوع
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الخميس 10 سبتمبر - 4:31

تعالوا نشوف

ا( الحلقة الثانية )


لم ير احمد الفتاة مرة اخري وطبعا نسي فالدفعة مليئة بالوجوه الجديدة التي كان مشغولا بالتعرف عليها, فهو من أثار الكلية,مضى حوالي اسبوع الي ان لمحها تسير بين فتاتين تتوجهان قرب الكافيتيريا وقرب مكانه العتيد بجانبها.
******************
لم تشغل منى بالها بما حدث هذا اليوم كثيرا ولكنها احتفظت بالجدول ,ورأت احمد عدة مرات بالكلية فهو لا ينفك يدور بالكلية يسلم علي اصدقائة من كل السنوات الدراسية , وكانت تشعر بالفضول كلما رأته خاصة والسلوك الغريب الذي انتاب شيرين حين حاول التعرف عليها .
هاهو يقف بمكانه المعهود , لا ارجوكم دعونا لا نمر من جانبه , ييييه لقد رأني , تري ماذا سيفعل ؟, هل سيشيح بوجهه بعيد , يا ربي انه يبتسم.
******************
ابتسم احمد فيما اقتربت الفتيات منه وهن مستغرقات في الحديث الا مني التي تعلقت عيناها بعينيه , فابتسم لها , اطلت من شفتيها ابتسامة مترددة ,فانتبهت صديقتها ان مني لا تسمعها فالتفتت لتري لمن تبتسم فقالت :
سارة: ايمو ازيك؟
احمد وهو لا يذكر اسم الفتاة التي تسلم عليه ولكن لم يبد عليه شيئاً
احمد: الحمد لله , ازيك انتي ؟
سارة:كويسة .
نظر الي مني مباشرة في عينيها وقال :
احمد: ازيك؟.
تمتمت مني بشيء في خفوت معناه الحمد لله فقالت سارة
سارة: ايه دا انتو تعرفوا بعض؟
قالت منى :اه
بينما قال احمد :لا
فتورد وجهها احمراراً فسارع احمد يقول
احمد : قصدي اتعرفنا علي بعض بس منعرفش اسامي بعض
سارة: بسيطة ...احمد امام .....منى ممدوح.
مد احمد يده *ايوه كده تمام
احمد:فرصة سعيدة.
مدت مني يدها بتردد* انا مبحبش الي بيسلمو بالايد
مني : شكراً.
ضغط احمد كفه برفق وفي سرعة على يدها اصابعها التي بالكاد لامست يده وتركها سريعا كأن لم يضغط مما جعل وجهها يحمر قليلاً
احمد* اول مرة بنت تحمر عشان سلمت عليا
منى *ايه الولد دا
*****************
بعد هذا اليوم بأيام رأي احمد منى , لم يرها صدفة , بل كان ينتظرها بالمدرج , وقد قارب موعد انتهاء محاضرتها , وقد لا حظ انها من هواة حضور المحاضرات, وهذا شيء غريب على غير الصف الاول في الكلية ,لم ينتظر كثيرا كان متوقفا مع "شلة" من اصحابه في السنة الثانية بالكلية اذ لا حظ نزول الصف وبينهم مني, لم يتحرك نحوها , بل توقف في مكان يراه فيه النازلين من المدرج , واثقا من انها ستراه فيه.
رأت منى احمد , اول ما نزلت من المدرج وجدته امامها واقفا يضحك ويهزر بصوت عال مع اصدقائه , تعلقت عيناها به بينما قالت سارة
سارة: الواد دا زي العسل انا يوم ماعرفته مبطلتش ضحك.
قالت فتاة اخري معهما
ميرنا: مين؟ ايمو؟ , دا زي القمر انا كنت هموت عليه في اول اسبوع بس قالولي مالوش في السن الصغير.
سارة: انتي متعرفيش اصله كبير عننا اصلا دا بقالة ميت سنة بيسقط , قولي يمكن دلوقتى عنده 22 ,23 سنة.
ميرنا: تعالي تعالي نسلم عليه.
وتجاوزا منى متوجهتان صوب احمد , وهي كالمصدومة خلفهما , الي اين هما ذاهبتان , لا , سأنصرف انا.
التفتت اليها سارة ملاحظة تجمدها في مكانها
سارة: فيه ايه يا بنتي متنحة ليه ؟ اتحركي.
مني: بصي يا سارة روحو انتو وانا هطلب الاوردر في الكافيتريا وانت تبقو تحصلوني اوكاي.
سارة: طيب مش هنتأخر.
وتوجهتا نحوه وسارة تسمع صوتهما :
ايمو , ازيك .
*انا ماليش دعوة عايزين يقفو معاه هما حرين انا ماليش في الناس الي بتسقط.
وقف احمد مترقبا منى والحديث الذي يدور بين الفتيات من بعيد , يبدو انه عليه , فتعمد اعلاء صوته بالضحك والهزار , جيد ,ها هن الفتيات يقتربن , ما هذا ؟ لماذا تسمرت منى؟ مالذي يحدث؟,لا لا لا الي اين هي ذاهبة؟
يا الله , لقد ذهبت ,غلا الدم في عروقه , لقد دنت منه فتاتين لا يذكر اسمهما حتى , ما هذا الحظ؟.
*ماشي يا مني بتحلقيلي انا هوريكي , مش انا الي يتعمل معاه كدة.



ونكمل فى الحلقة اللى جاية

lol! lol! lol! lol! lol! lol! lol!
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 28
الجنس : انثى

مُساهمةموضوع: رد: اخر البنات المحترمات   الخميس 10 سبتمبر - 5:44

تسلم يا جميل
قصه جميله اوى ومشوقه جداااااااا
ولزيزه اخر حاجه
ومعلشي علي التاخير في الرد
بس مش تتاخر علينا في الجديد
تحياتى
دمت متميز
...@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الأربعاء 16 سبتمبر - 2:47

اعتذر عن التاخير بس والله كان عندى مشاكل كتير اوى
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الأربعاء 16 سبتمبر - 2:57

( الحلقة الثالثة )


لم يغمض لاحمد جفن منذ ذلك اليوم, اولا هو لم يحاول اغواء فتاة من قبل , على الاقل منذ بضعة سنوات ,فهو "سمعته تسبقه" في كل مكان, ومنذ فترة لم يعييه الحصول على بنت , آلمه غروره , مع ان في الحقيقة لم يحدث امر يحرجه او يغضبه لان شيئا لم يحدث اصلا على الاطلاق , لكنه هو الوحيد الذي يعلم نيته ومراده , وقد جرح الامر كرامته امام نفسه فاقسم ان يصلح مظهره امام نفسه على الاقل.
رأها , كانت جالسة وحدها , فرصة ذهبية , اقترب بخفة وجلس بجانبها على الكرسي , رفعت عينيها عن تليفونها المحمول الذي كانت تعبث به.
******************
جلست منى تنتظر صديقاتها علي مقعد بالكلية, لم تكن الكلية مزدحمة يومها ولا كان عندها محاضرات اصلاً,
شعرت بشخص يجلس على المقعد غير بعيد منها , فرفعت عينيها عن تليفونها فاذا به احمد , ارتجفت , مالذي اتي به , اقتضبت ابتسامة سريعة علي فمها .
******************
احمد: منى, ازيك؟
منى: الحمد لله.
احمد:قاعدة لوحدك ليه ؟
منى:عادي.
* قاعد انت جمبي ليه؟
* انتي هتردي كل سؤال بالعافية.
احمد : امال اصحابك فين؟
منى : لسه مجوش.
احمد: طب ما تيجي تقعدي معانا لحد ما ييجيو.
مني : لا معلش هستناهم هنا عشان يلاقوني.
* ايه البت الرخمة دي؟
احمد: طب هقعد انا معاكي لغاية ماييجو.
* ييييه ياريتني قلتله ماشي.
منى: مبتشوفش شيري .
احمد وقد انبسطت اساريره لفتحهها موضوع للتحاور
احمد: لا والله من ساعة ما شفتها معاكي وهي مطنشاني , هي قريبتك؟
منى : اه, من بعيد , هي طيبة اوي .
احمد : فعلاً , هي بنت جدعة .
ساد صمت محرج قليلاً
*فكر ياواد يا ايمو متقعدش ساكت كده .
*ايه يا مني ؟انتي خرسا ليه؟ عمرك ماكنتي رخمة كده ,فكي شوية.
مني: انا شفتها النهاردة .
احمد :هي مين دي؟
مني : شيري .
احمد : اه فين؟
مني : لمحتها عند البوابة الصبح.
احمد التمعت عيناه , وقد اضائت فكرة برأسه
احمد: لما تشوفيها تاني قوليلها اني عايزها ضروري , ولا اقولك رني عليا وانا اجي اقفشها.
منى وقد فهمت مقصده وحاولت التهرب منه
مني : اه حاضر, ان شاء الله
* ايه ده , هي تصيع عليا.
فقال مباشرة
احمد: انتي معاكي نمرتي.
شعرت مني انه اسقط في يدها فهزت رأسها نفياً ,فبكل بساطة مقصودة امسك تليفونها من بين يديها وسجل نمرته ورن على هاتفه وقال لها في "استعباط" تام
احمد: اول ماتشوفيها رنيلي , انا همشي دلوقتي ماشي .
وانصرف عنها وهي تكاد تغلى غضباً مما فعل
* قشطة كدة.
* ايه الواد البجح دا.



( الحلقة الرابعة )


كريم : مالك با ابنى سيب الموبايل مش هاتتصل
احمد : هى مين دى اللى مش هاتتصل
كريم : هاهاهاها اللى انت مستنيها
احمد : انا مش مستنى حد يتصل ، وبعدين مين قالك انها مش هاتتصل
كريم : اهه يعنى فى حد هايتصل
احمد : وانت مالك اصلا يا رخم
****************************

منى : شيرى ...... شيرى .....
شيرين : مينووووو
اقبلت شيرين وقبلت منى على خديها
شيرين : انتى فين يا كلبة ..؟
منى : انتى الى مبتساليش
وبعد ان قاربتا على انهاء حديثهما قالت منى ...
منى : اه على فكرة ، احمد امام عاوزك ضرورى
شيرين : وده عاوز ايه ده كمان ضرورى اوى كده
*****************************

شيرين : انت يا واد انت
احمد : ازيك يا بنتى انتى فين ؟؟؟
شيرين : كنت مسافرة ايه الاخبار كنت عاوزنى فى ايه؟؟؟؟
احمد : عاوزك ؟!! عاوزك فى ايه ؟؟!!!
شيرين : مش انت قولت لمنى تبلغنى انك عاوزنى ضرورى
احمد : لا انا ...... اههههه ....... لا ولا تحطى فى دماغك
شيرين : ايمووو .... جرى ايه ، انت هاتعط من ورايا؟؟
احمد : هههه لا يا بنتى مفيش حاجة
شيرين : احمد يا امام انا بتكلم بجد ابعد عن منى دى بنت ناس
احمد : منى ايه وعيال ايه يا بنتى انتى ، وبعدين ايه حكاية بنت ناس دى هو اللى انا اعرفهم ولا ايه؟؟
شيرين : لا دى مؤدبة ، ومش حملك يعنى لو فى حاجة فى دماغك يا ريت تشيلها لو سمحت
احمد : يا بنتى بجد مفيش حاجة
شيرين : مفيش حاجة ؟!! ، هو انا مش عارفاك ، ايه مالك؟ ، ايه اللى هيموتك عليها ؟ ، انها مؤدبة ؟ ، وحياة ابوك تخليهالى كده ، دى امانة
احمد : ما هو انا لو مستلمتهاش هايستلمها غيرى ، ولا هى داخلة كلية شرعى ؟؟؟!!!!!
شيرين : ايمووو ، علشان متخسرنيش ، شوفلك حدوتة تانية اليومين دول
احمد : وهو انا اقدر ارفضلك طلب يا قمر ؟
******************************

سارة : مين ده يا بنتى اللى اداكى نمرته انتى بتهزرى ، ده واد تنك جدا ومفتكرش انه هايديكى رقمه
منى : والله العظيم اخد موبايلى من ايدى كده بالظبط وكتب نمرته ، اتصلك بيه يعنى عشان تتاكدى ؟
سارة : اكيد علشان كان عاوز شيرين فى حاجة بس مش اكتر
منى : يا بنتى كان باين اوى انها حجة ، انا مش هبلة
سارة : طب وانتى عملتى ايه بالنمرة ؟
منى : مسحتها اول ما مشى
سارة : يخربيت عقلك ، انتى اتجننتى ؟
منى : يعنى كنتى عاوزانى اعمل ايه يعنى ؟
سارة : معرفش بس ماكنتيش تعملى كده
سكتت منى قليلا ، ثم قالت ....
منى : بس انا حفظت النمرة قبل ما امسحها
************************************



ونكمل الحلقتين اللى بعد كده بعد الردود ان شاء الله

lol! lol! lol! lol! lol! lol! lol! lol!
الرجوع الى أعلى الصفحة اذهب الى الأسفل
ashe2_ba7eb
دلتاوي ملكي
دلتاوي ملكي
avatar


عَطآئي : 1843
عمـري : 28
الجنس : ذكر

مُساهمةموضوع: رد: اخر البنات المحترمات   الأربعاء 16 سبتمبر - 22:10

تسلم ايدك
القصة ممتعة وانت امتع
دام اباعك يارب
مستنيين البقية
:ب: :ب: :ب:

انا قرات القصة كلها ومستنى بقية القصة لانها مشوقة بجد
وتقريبا 99.9% حقيقية ومن السهل تحصل


جارى تثبيت الموضوع
:ب: :ب: :ب:

الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 28
الجنس : انثى

مُساهمةموضوع: رد: اخر البنات المحترمات   الجمعة 18 سبتمبر - 23:09

تسلم يا ملاك
ويارب خير للغيبه دى
ومستنين الجديد ان شاء الله
بس من غير تاخير
كل سنه وانت بخير
تحياتى
...@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   السبت 19 سبتمبر - 10:16

( الحلقة الخامسة )


ما زادت تحذيرات شيرين احمد الا فضولا, ومازاده الفضول الا رغبة في التقرب من منى , ورغم وعده لشيرين انه سيترك مني في حالها , الا انه قرر ان ينتقل بما بينهما الي قليل من الخصوصية , فقرر الاتصال بها.
***********************************

تسمرت مني امام تليفونها والهاتف يرن ,لقد تعرفت على الرقم جيدا, فقد حفظته رغم انفها ,ماذا تفعل؟؟, ترددت قليلا قبل ان تصمت صوت الهاتف لتتركه وتبتعد.
**********************************

احمد : لم ترد , ماذا افعل ؟, لا لليأس سأتصل مرة أخري هاخسر ايه يعنى ؟ , مفيش حاجة غيرعادية , اني اتصل بها علشان اسال عليها لا غير .
**********************************

منى : لا ....غير معقول انه مصر, ماشى ...هرد هاخسر ايه يعنى ؟ ,مفيش حاجة غير عادية , هأرد أعرف عاوز ايه.
*************************************
مني بصوت مرتعش
منى: ....الو.
احمد: مني ؟
مني : ايوة مين معايا؟
*انا هعمل نفسي مش عارفة
احمد: انا احمد امام .
*ايه الكسوف دا ياريتني ما اتصلت
مني: اه ازيك ؟ اخبارك ايه؟
احمد: الحمد لله انتي ازيك؟
منى :تمام , ايه فيه حاجة؟
قال وقد بدا عليه شيء من نفاذ الصبر والغيظ الي شعر به
احمد: يعني هو فيه حد في الدنيا بيقول الو فيه حاجة؟
مني :ههههه لا والله عادي انا بس قلت فيه حاجة.
* خفي يا مينو شوية على الولد دا شكله ظريف
احمد :لا يا ستي انا مش متصل عشان حاجة , انا متصل اسأل عليكي.
منى:...............
* اوباااا
*ايه يابو حميد متسكتش حور
احمد: مش انا النهاردة شفت ميرنا صاحبتك
منى: اه .... بجد؟
احمد: انتو هتطلعو الرحلة؟.
منى : رحلة ايه؟
احمد: العين السخنة , انتي مش طالعة , دي ميرنا قالتلي النهاردة انكو طالعين.
وطبعا كان هو الذي ارسل كريم ليقنع ميرنا واصحابها واستغل الامر
منى : مش عارفة ؟ هسأل ماما .
*متزنش خليها تيجي منها.
احمد: طب لوهتطلعي ابقي بلغيني عشان اظبتكو قبل العدد ما يبقي كومبليت .
منى: اوكاي.
احمد : ماشي يا موني , عايزة حاجة؟
* اههه احنا فينا من موني
منى : لا شكراً , سلام .
احمد: ايه دا انتي عايزة تقفلي كده ليه ؟
منى :...... مفيش , عادي.
احمد: هو كل حاجة عادي, ما علينا هبقي اكلمك تاني, باي باي.
واغلق الخط وكلمة " هكلمك تاني ترن في اذنها.
*******************************************************************
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   السبت 19 سبتمبر - 10:26

( الحلقة السادسة )


قررت منى منذ ان حدثها احمد ان تذهب الرحلة , ولكن , لم تكن تريد ان تبدو متلهفة , فقررت الانتظار فترة حتى لا يبدو عليها ,ولكنها اخبرت سارة بالامر.

سارة: وانتي بقي مالك من ساعتها .
منى : شايفاني بقي بتنطط من الفرحة ولا مالي يعني.
سارة : لا , شايفاكي هتطقي كأنه قالك تعالي نتجوز عرفي , دا واحد كل الي عمله انه اتصل بواحده يعرفها من بعيد بيستهبل, عايز يلم عدد للرحلة الي هو مطلعها , مالك واخدة الموضوع كأنه شخصي اوي؟ , وكأنه مطلع الرحلة مخصوص علشانك.
منى : انتي ايه؟ , بلدوزر محدش يعرف يتكلم معاكي ابدا.
سارة: انا عشان بقولك الحق ابقي بلدوزر ,بدل ما تحمدي ربنا ان ليكي صاحبة خايفة على مصلحتك, طيب يا ستي انتي حرة, والرحلة بتاعتك دي انا مش طلعاها.
منى : انتي بتهرجي , لا طبعا هتطلعي.
سارة: طب والله منا طالعة وخلي ست ميرنا تنفعك.
**********************

قبل الرحلة بيوم

كريم: يا ابني كلمها اسألها هتطلع ولا لأ.
احمد: قلتلك ميت مرة مش هتصل , مينفعش ,هو انا هتحايل عليها؟, وبعدين احنا مفيش بينا كلام اصلا الا من بعيد لبعيد.
كريم:امال ايه بقي نرفزتك دي عليا من ساعة ما عرفنا من ميرنا ان احتمال هي بس الي تطلع؟
احمد:انا مش متنيل متنرفز وبعدين ايه يعني ، ما عنها ما طلعت ، معادش الا عيلة كمان الي هتوجع لي دماغي.

وانصرف عن كريم غاضبا.
كريم يتمتم لنفسه

كريم: لا ابدا ,لا متنيل متنرفز ولا كان هيضربني ولا حاجة.
*********************
بعد قرار سارة انها لن تذهب الرحلة , اضطرت منى للامتثال ,بعد ان اقنعتها بأن من الافضل الا تنجرف لمشاعرها التي ستؤذيها ,وانها يجب ان تعود لعقلها وبالفعل قررت منى ان تنسى احمد ,وتقتنع بأنه لم يفعل شيئاً اصلا ليعلقها به ,وأن الأمر كله عادي , وما تتوهمه هوالا من نسج خيالها فقط, وأن مازرعه أخوتها الكبار فيها من الخوف من اصدقائها الشباب ماهو الا اوهام من جانبهم ,وان الحياة في الكلية غير ما يفكرون به تماما, أوكأنهم لم يدخلو كليات من قبل؟, وانها لم تعد طفلة , انها فتاة كبيرة وتعرف حدودها جيدا.

*********************
مر يوم الرحلة على احمد كسابق الرحلات,جميل ظريف ,بل والادهي انه مليء بالوجوه الجديدة , ومر عليه اليوم وقد نسي غضبه,بل نسي وجود مني اصلا.
*********************
صحيح ان منى قررت ماتفكرش في احمد , الا ان عقلها الباطن كان ينتظر منه مكالمة يستفقدها في الرحلة, الم يتصل بها مخصوص ليدعوها , وتعب عقلها الباطن من التفكير طوال اليوم ,مما اوصلها لحالة من الانكار الشديد لما يحدث لها.

*انت عبيطة؟, احمد مين دا الي بيفكر فيكي؟, اسمعي كلام سارة , مفيش حاجة من الي في دماغك اصلا, وبعدين مش انتي مش بتاعة الكلام ده, بتفكري فيه ليه بقي دلوقتي ؟؟؟ّّّّّ!!
وقررت غلق الموضوع والالتفات لدراستها فقط.
********************
بعد هذا اليوم , عاد احمد ومني لحياتهما, صحيح ان منى تراه كثيرا في الكلية , وكيف لا ؟وهو مثل بخارالماء , الا انها لمت نفسها واعانتها سارة على ذلك , اما احمد فكاد ينسي منى لولا انه كان يلمحها في بعض الايام , اما داخلة الكلية , اوخارجة , او عند الكافيتيريا , لكنه لم يشغل باله ان يتكلم معها.

* والله انا عرضت عليها وهي الي رفضت, بتتنك على ايه انا مش فاهم, خلى الادب ينفعها, انا عمري ما اتحايلت على بنت , وبعدين البنات اكتر من الهم على القلب.



ونكمل بعد ردود سيادتكم ان شاء الله

lol! lol! lol! lol! lol! lol! lol! lol! lol!
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   السبت 19 سبتمبر - 10:59

بالمناسبة شكرا على التثبيت ويا رب القصة تعجبكم


10 10 10 13 13 13
الرجوع الى أعلى الصفحة اذهب الى الأسفل
ashe2_ba7eb
دلتاوي ملكي
دلتاوي ملكي
avatar


عَطآئي : 1843
عمـري : 28
الجنس : ذكر

مُساهمةموضوع: رد: اخر البنات المحترمات   السبت 19 سبتمبر - 21:04

ههههههههههههههههههههههه
بجد قصة جميلة ومشوقة جدا وانا متابعك
مستنى منك تكملى القصة

تسلم اديك ومشكور على مجهودك المتواصل :ب: :ب:
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الأحد 20 سبتمبر - 2:46

ميرسى عاشق بحب على الرد الجميل ده وانت منور الموضوع والله
وكل سنة وانت طيب
وعيد سعيد يا رب
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الأحد 20 سبتمبر - 3:01

( الحلقة السابة )



شيرين: يا بنتي انتي بتدخلى الامتحان تكتبي الي تعرفيه سواء جالك او مجالكيش, المهم تملي ورقة الاجابة.
منى : هو انا هستنا لما ادخل الامتحان؟, انا مش فاهمة حاجة اصلا , انا عايزة اخد درس ,وعايزة الحق دا معادش الا شهرين على الامتحانات, وخالد زميلي قالي ممكن يشرحلي , بس مش عارفة اعمل ايه.
شيرين: ايه دا ماحنا اتنطقنا اهه وبقي لنا اصحاب ولاد .
منى: لو سمحتى يا شيري ,دا ولد محترم جدا وبعدين دا دحيح الدفعة, وانتي عارفة كويس اني ماليش في الحورات دي.
شيرين :طب بالراحة عليا شوية, ربنا يكملك بعقلك يا ستي ويبعد عنك الشيطان ......ييييه اهو جه.
منى : هو مين دا؟
شيرين : الشيطان.
التفتت منى لتجد نفسها وجها لوجه امام احمد, نظر الي منى وقال محادثا شيرين
احمد: شيطان ايه؟
أحمد : ياه انتي لسه بتحمري , بس والله ليكي وحشة
منى:....................
منى : حرام عليكي يا شيري بقي دا شيطان
قالت شيرين
شيرين: سيبك انت, كنت رايح على فين كده؟
احمد : كنت بدور على كيمو مشفتيهوش؟
شيرين : لا مشفتوش, الا صحيح يا ايمو , متعرفش حد بيدي دروس سنة اولي .
نظر لمنى بنظرة خاوية وقال
احمد: اعرف واحد صاحبي كان معانا, هو دلوقتي معيد, انتي عايزة تاخدي درس؟
مني بصوت خفيض
منى: اه, انا كنت بسأل شيرين اعمل ايه, بس انا ممكن واحد زميلي يشرحلي.
احمد : واحد زميلك؟!! , هو انتي لحقتي ,ماكنتي عاقلة, قال واحد زميلي قال
احمد: لا لا لا, متخليش حد يلخبطلك دماغك , انا هظبطلك عند صاحبي دا وهبقي اكلمك اقولك, تمام؟
* منى : مابلاش انت, انا ما صدقت نسيتك
منى : ماشي ان شاء الله.
احمد: يلا , عايزين حاجة؟
شيرين: وهنعوز منك انت ايه؟
احمد: ماشي يا غلباوية ,سلام.
وبعد ما مشي التفتت شيرين لمنى واضعة ايديها في وسطها
شيرين: وايه هكلمك اقولك دي ان شاء الله, انتو بتكلمو بعض؟
منى: لا والله العظيم ابدا , هو مكلمنيش الا مرة يقولي على الرحلة وبس وعمرنا متكلمنا بعدها حتى في الكلية.
شيرين: وبس؟
منى: انا حلفت , انتي مش مصدقاني؟
شيرين: مصدقاكي يا ستي......., والله انا نفسي انصحك بس خايفة تفهميني غلط.
منى: لا قولي يا شيري براحتك.
شيرين : اصل احمد دا انا اعرفه من اول ما حطيت رجلي في الكلية, كان لسه بيعيد تانية ,كان واد بايظ وكده , بصراحة عجبني اوي لانه مع كل دا كان جدع , وحصلت توقيعة كده من واحدة صاحبتي, وصلتله اني معجبة , كنا ساعتها مش اصحاب اوي , فبدأ هو يرسم عليا وبتاع , بس شوية كده , عرفت حكاية التوقيعة وقلتله اني مش في دماغي حاجة , وبقينا اصحاب من ساعتها , بس هو مبيبطلش رمرمة , انا مش قلقانه منه هو , انا خايفة عليكي انتي , ممكن تحطي انتي في دماغك حاجة وهو مش هنا اصلا.......
منى تقاطعها بشدة
منى: انا مفيش في دماغي حاجة.
شيرين: اسمعيني بس للاخر, انتي لسة مش في دماغك حاجة, بس انتي خام ع الاخر , يعني مصيبة ,ممكن من ادبك تروحي في داهية , ومتفتكريش انا مش دريانه بيكي ,دانتي بتحمري لما بيكلمك.
منى: هو الادب بقي عيب الايام دي؟
شيرين: لا , مبقاش عيب ولا حاجة, بس عشان تتعاملي مع الناس لازم تكوني مصحصحة, يعني عندك سارة صاحبتك مثلا, انا شايفة انها مبقالهاش شهر ونص في الكلية وبقت اشهر من احمد نفسه, ومع ذلك محدش يقدر يتعدي حدوده معاها,ولا يقول عليها كلمة , وكل الناس اصحابها ,اهي هي دي الصحوبية الي كنت بقولك عليها,يبقي كل الناس اصحابك , بس انتي مش ملك حد.
منى: انتي بتقوليلي الكلام دا ليه.
شيرين: عشان انا بنت وعارفة البنات كلها بتبقي عايزة تحب وتتحب وانا نفسي حبيت واتحبيت واديكي شفتي الي حصلي ومن ساعتها الحمد لله , عرفت ان الطريق السليم مفيش احسن منه, وانا تعبت جامد بعد اسامة "وده واحد كانت شيرين بتحبه بس احمد وقع بينهم " ,واحدة غيري كانت دورت على واحد تاني على طول عشان تملا الفراغ الي سابه, ودا الي بيحصل على طول البنت اول مابتسيب الولد بتبقي عاملة زي المدمنة مبتبطلش ولاد ,وهاتيلي اسم بنت سابت ولد وما ارتبطتش بعده , انا الحمد لله لولا انهم لحقوني بمحمود " وده خطيب شيرين " ودخل من الباب مكناش هنتخطب بعد اسبوعين ,وانا شفت , انتي بتبصي لاحمد ازاي ,انا اكبر منك بسنتين صحيح, بس انا شفت كتير , وانتي بقي ودماغك , خدي بالك من نفسك عشان محدش هياخد باله منها الا انتي , والكلام دا مش على احمد بس , دا على اي ولد تاني يحاول يدخلك من الشباك.
صمتت شيرين ونظرت لمنى التي كانت مندهشة طوال المحاضرة التي قالتها شيرين , شعرت منى بان كل كلمة قالتها شيرين كانت صواب ,حتى ان عينيها امتلأت بالدموع.
شيرين:ايه يا بنت يا هبلة انتي هتعيطي؟
ومدت زراعها واحتضنت منى وقالت
شيرين: يا عبيطة ,انا قصدي افهمك.
مني من بين دموعها
منى: انا فهمت والله فهمت.



ولحد هنا والديك اللى انا بستناه كل يوم يدن ده جه وقارفنى ونمكل بكرة لانى والله العظيم الجو برد جدا
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 28
الجنس : انثى

مُساهمةموضوع: رد: اخر البنات المحترمات   الأحد 20 سبتمبر - 8:27

دى قصه جامده مووووووووووز
تسلم يا ملاك
دمت متميز مستنسن الجديد ان شاء الله
تحياتى
...@
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الأربعاء 23 سبتمبر - 5:11

متاسف جدا لتانى مرة يا جماعة عن التاخير و يا ريت تعزرونى والله انا بمر بظروف صعبة اوى بليز بليز بليز
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الأربعاء 23 سبتمبر - 5:19

(الحلقة الثامنة )



فاقت منى قليلا بعد كلام شيرين , وقررت للمرة الثانية ان تنسي احمد , واصبحت حتى تنساه تجاهد نفسها كي لا تفكر به, وبهذه الطريقة تضاعف تفكيرها فيه, لان ان تحاول التوقف عن التفكير بأحد فانك تبذل مجهود اكبرمن ان تفكر فيه , ونخرج بذلك من الامر ان منى نست احمد باحمد.
***************
احمد: متعرفش نمرة الواد وائل عبد الكريم؟
كريم : ليه؟, والله انا لو من الواد دا معرفكش تاني.
احمد: ماهو مش انا الي هكلمه , انت الي هتكلمه.
كريم: وحياة امك ؟ ليه بقي ان شاء الله.
احمد: مش عشاني والله , كنت عايز احجز عنده درس.
كريم: ليه؟ ناوي تختصر وتاخد الكلية م الاول؟
احمد: مش طالبة ظرف, مش ليا يا ظريف دا لمني.
كريم: على اساس لما هتقولي منى هفهم , منى مين يابني؟.
احمد: قريبة شيرين.
كريم: انت رجعت تاني؟؟,مش كنا خلصنا.
احمد: ايه يابني انا بعمل خدمة لشيرين.
كريم: على ماما ,ومن امتى بقي الحنية دي؟,من ساعة ماقلبتك ولا من ساعة ما مطلعتش الرحلة ؟.
احمد: بقولك ايه اطلع من دماغي , هتتصل ولا لأ؟.
كريم: هتصل عشان خاطر شيرين بس, وعشان خاطر الواد الي سيبته صاحبته الغلبان دا بس.
احمد: تلاقيه هو نفسه نسي , انت لسه فاكرلي يا كيمو, اخص عليك.
كريم: ولما هو نسي , ماتكلمه انت ياخويا.
احمد: اللهم طولك ياروح هو انا معرفش اطلب منك حاجة ابدا الا لما تطهقني كده.
كريم: لأ وعلى ايه , هكلمه, بس انتي متزعليش مني يا قطة.
احمد: طب يا روح امك خلص.
كريم: طيب متزقش.
***************
منى: انتي عارفة يا سارة احسن حاجة اني لما قررت انسي احمد دا خالص, جيت على نفسي اهه وشلته من دماغي, يعني خلاص ,بجد,
سارة:..................
منى: انتي مبترديش عليا ليا؟
سارة: عشان دي عاشر مرة تقوليلي الكلام ده من الصبح , دا غير انك قولتيهولي امبارح في التليفون , هو انتي كده نسيتيه؟.
منى: اه ... طبعا....انا مبفكرش فيه خالص.
سارة : لا ابدا ... اصل انا الي بحب اجيب سيرته , بحب اتكلم عنه , وماليش سيرة غيره م الصبح, الله يسامحك يا شيخة انتي واحمد بتاعك دا.
**************
كريم: على فكرة,كلمتلك الواد ,وطبعا مجبتش سيرة سعادتك .
احمد: مشكوريا سيدي.
كريم : وانت بقي عايز ايه من منى دي؟
احمد: ولا حاجة اهي حدوتة جديدة .
كريم: هي البت حلوة ، بس شكلها مش بتاعة بمب وفراقيع.
احمد: لا يا سيدي , هي بتاعة بمب وفراقيع, مشفتش لما قالتلي واحد صاحبي هيشرحلي, وبعدين لو مكانتش كده مكنتش ردت عليا لما اتصلت بيها, انت بيدخل عليك الكلام دا, دا تقل ,وبكرة هوريك.
كريم: طب ولو طلعت مؤدبة بجد يا فالح.
احمد: وانا هخسر ايه يعني , لو كانت مؤدبة خير وبركة اهو حتى الواحد ينضف, وان كانت بتتقل هوريها هي بتتقل على مين.
كريم: ماهي لو مؤدبة اصلا مش هترضى تصاحبك.
احمد: يا حبيبي كل بنت ليها سكة, لما نشوف دي سكتها ايه.
كريم: ربنا يسترعلى البنت.
احمد: سيبك انت من السيرة دي, هنسهر فين النهاردة؟



ونكمل الحلقة التاسعة بكرة ان شاء الله بعد الرد
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 28
الجنس : انثى

مُساهمةموضوع: رد: اخر البنات المحترمات   الأربعاء 23 سبتمبر - 18:58

تمام اوى كدا
وربنا يستر بقي علي البنوته
ههههههه
مش تتاخر علينا بقي تانى
تسلم
تحياتى
...@
الرجوع الى أعلى الصفحة اذهب الى الأسفل
rohmak_raby
دلتاوى مميز
دلتاوى مميز
avatar


عَطآئي : 102
الجنس : انثى

مُساهمةموضوع: رد: اخر البنات المحترمات   الخميس 24 سبتمبر - 18:45

تسلم ايدك ملاك
قصه واقعيه جدا وبتحصل كتير
ربنا يستر على منى من الواد ده
وفى انتظار البقيه ان شاء الله
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الجمعة 25 سبتمبر - 10:05

الروح كتب:
تمام اوى كدا
وربنا يستر بقي علي البنوته
ههههههه
مش تتاخر علينا بقي تانى
تسلم
تحياتى
...@


ان شاء الله مش هاتاخر تانى وميرسى على الرد الجميل ده
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الجمعة 25 سبتمبر - 10:08

rohmak_raby كتب:
تسلم ايدك ملاك
قصه واقعيه جدا وبتحصل كتير
ربنا يستر على منى من الواد ده
وفى انتظار البقيه ان شاء الله

ميرسى على مرورك ومنورة التوبيك يا قمر
دمتى متميزة
الرجوع الى أعلى الصفحة اذهب الى الأسفل
الملاك الباكى
دلتاوي نشيط
دلتاوي نشيط
avatar


عَطآئي : 40
عمـري : 29
الجنس : ذكر

مُساهمةموضوع: رد: اخر البنات المحترمات   الجمعة 25 سبتمبر - 10:29

( الحلقة التاسعة )


منذ هذه الحلقة يظهر دور الشيطان في اذهان كل من منى واحمد ويظهر في كلامهم مع نفسهم"

*منى : اهههه وبعدين , هتفضلي متنحة للتليفون كتير , متردي , هيكون عايز ايه يعني؟, هو مش قال هيكلمك , وانتي مااعترضتيش , مالك بقي؟
لا لا , احنا مش اصحاب عشان نتكلم في التليفون, وبعدين انا اصلا ماسحة نمرته ,هو لو صاحبي كنت سجلت النمرة تاني
وهو حد قال حاجة؟ , الراجل كتر خيره بيعملك خدمة , وانتي بكل قلة ادب مش عايزة تقبليها, ولا حتى تردي عليه ترفضيها بالذوق
هو لو فيه حاجة مهمة هيتصل تاني ,صح؟
اهو بيتصل تاني اهه, ردي بقي ,دا اكيد فيه حاجة ضروري, اقولك , ردي واعرفي الموضوع واقفلي على طول,بالزوق برضة يعني لو حب يحور قصري
صح, وهو ايه الي هيجري يعني , انا هرد ومش هطول.
***************
*احمد : متردي بقي , هفضل ارن كتير , اوفففف ,..................تررن تررن, يعني اعمل ايه عشان تردي؟, الله يقطع البنات على سنين البنات الي قالين قيمتنا عليهم
ماشي يا سيدي ع التقل , وعاملالي مؤدبة , دي مدوباهم اتنين, برضة وراكي , بتعمليهم عليا انا , اذا كنتي انتي مدوباهم اتنين فانا بقي مبعدش, وهتصل تاني اما نشوف اخرتها معاكي.
**************
مني: آ..ألو.
منى : *..............
احمد:السلام عليكو.
*احمد : جامدة الدخلة دي
مني: وعليكم السلام ورحمةالله وبركاته.
منى :*...........
احمد: ازيك يا مني؟
*احمد : ازيك يا مغلباني
مني: الحمد لله, انت ازيك؟
*منى : انت هتحور, قصر
احمد: اخبار القانون معاكي ايه.
منى : زفت .
احمد: على فكرة انا كلمت صاحبي الي قلتلك عليه , وحجزتلك عنده , بس كنت عايز اعرف اذا كانت المواعيد تناسبك.
منى: يوم ايه وايه.
احمد: فيه سبت واتنين وخميس , وفيه حد و تلات و جمعة.
منى : انا ينفعني حد وتلات وجمعة.
احمد: اوكاي هبلغه , واقولك على المعاد والمكان .
مني : طيب ان شاء الله.
*احمد: ندخل على المهم
احمد: يعني مش هتحتاجي حد يشرحلك .
*منى : اه..وبعدين بقي
منى: لا ان شاء الله , اصل المادة دي غلسة اوي انت عارف.
احمد: اه عارف مانا ذاكرتها سنتين ف اولي.
منى: اه صحيح , منتا خبرة , مش كنت انت الي تدي دروس , دا حتى صاحبك الي بقي معيد مذاكرش المواد قد منتا ذاكرتها.
*منى : انتي بتعملي ايه؟, قصري
ايه؟؟ هو انا قلت حاجة
احمد: ايوه , منا كنت ناوي ادي دروس بس مستني اما اعيد رابعة عشان ابقي ذاكرت كل سنة مرتين .
*احمد : الله؟؟ , ماحنا بنعرف نهذر زي الناس اهه
منى: طب مش لما تنجح تالتة الاول .
احمد: لا ماهو مش معقول ادبلر التالتة , دانا حتى ابقي دكتوراة في المواد.
منى: هههههههههه
*احمد : انزل بالتقيل
احمد: على فكرة صوت ضحكتك حلو اوي في التليفون .
مني : ...شكراً.
*منى : انتي بتعملي ايه لسه على التليفون؟, اقفلي.
احمد: لا, انا بتكلم بجد, او يمكن انتي مبتضحكيش معايا كتير في الكلية , دانتي بتكشري حتى لما بتشوفيني.
منى:ايه الي خلاك تقول كده؟
*منى : انا؟؟ , ابدا والله , انا بس ببقي مخضوضة.
احمد: معرفش بحس انك متضايقة , عايزة تخلصي , كده.
منى: لا ابدا, عادي يعني.
*منى: اخلصي يا مني متحوريش
*احمد : رجعنا لعادي , هتشلني ان شاء الله
احمد: يعني العادي بتاعك انك تكشري , مع ان ضحتك حلوة اوي.
*احمد : اتثبتي بأة
مني: لا , ان شاء الله هضحك كتير.
*منى :انت بتحمري ليه دلوقتي مش انتي الي مقفلتيش؟
احمد: ياريت , وتسمعيني ضحكتك على طول .
*احمد : اما نشوف اخرتها
مني: .........
احمد: انتي اتضايقتي؟ , انا مكانش قصدي احرجك على فكرة, انا اسف.
*احمد :مثلي عليا مثلي
منى: لا مفيش حاجة.
*منى : ايه الي مفيش؟ , انتي هتستعبطي
احمد: طيب يا ستي هبلغك ان شاء الله بالمواعيد اول ما عرفها.
*احمد :يلا كفاية عليكي كده
منى: ماشي .
*منى :ايوه كده اقفل بقي
احمد: يلا باي.
منى: سلام.
******************
*احمد: اتثبتت يا معلم ,والله ولسه شديد زي زمان
*منى : ايه الي انا عملتو دا؟ مكانش لازم احور, يارب سامحني انا اسفة


[center]فين الردود يا جماعة علشان نكمل
انا عاوز الردود تنزل عليا زى المطر ، اللى مش هيردلى ليلة زرقا ههههههههههههههههههههههههههههههههههه
الرجوع الى أعلى الصفحة اذهب الى الأسفل
الروح
مراقب عام
مراقب عام
avatar


عَطآئي : 1296
عمـري : 28
الجنس : انثى

مُساهمةموضوع: رد: اخر البنات المحترمات   الجمعة 25 سبتمبر - 16:46

ايه ياعمونا الحلقه الجامده دى
تسلم ايدك يا كبير
بجد والله جميله القصه دى
يلا كملنا بقي وكفياك تشويق
يلا كفايه رغي بقي
هههههههههههه
تحياتى
...@
الرجوع الى أعلى الصفحة اذهب الى الأسفل
 
اخر البنات المحترمات
الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
دلتاوى :: المنتديــــات العــــامـــة :: المنتدى العـــام-
انتقل الى: